 |
| ഈ വര്‍ഷത്തെ അന്റോണിയന്‍ ക്ലബ്ബ് അംഗങ്ങള്‍, ഹെഡ്മാസ്റ്റര്‍ ജോസ് ജോര്‍ജ്ജ്, പ്രിന്‍സിപ്പല്‍ എ.ജെ. ജോസഫ്, ക്ലബ് കോ-ഓര്‍ഡിനേറ്റര്‍ ടോണി തോമസ്, അധ്യാപകരായ മെരീന അബ്രാഹം, ഫാ. മാത്യു ഓണയാറ്റുകുഴി സി.എം.ഐ., ജോബിന്‍ കുരുവിള, സ്കൂള്‍ മാനേജര്‍ ഫാ. ജെയിംസ് നീണ്ടൂശ്ശേരി സി.എം.ഐ. എന്നിവര്‍ക്കൊപ്പം. |
ലോക്ഡൗണ്‍ തുടങ്ങിയതിനുശേഷം പൂഞ്ഞാര്‍ ബ്ലോഗിന്റെയും ഫേസ് ബുക്ക് പേജിന്റെയും ഇന്‍ബോക്സില്‍ ബ്ലോഗിനെക്കുറിച്ചുള്ള നിരവധി അന്വേഷണങ്ങള്‍ വരുന്നുണ്ട്. കോവിഡ് 19 ബോധവത്ക്കരണ പ്രവര്‍ത്തനങ്ങളും പൂഞ്ഞാര്‍ തെക്കേക്കര ഗ്രാമപഞ്ചായത്തിന്റേതുള്‍പ്പെടെയുള്ള ഔദ്യോഗിക അറിയിപ്പുകളും നല്‍കിത്തുടങ്ങിയതോടെയാണ് പലരും പൂഞ്ഞാര്‍ ബ്ലോഗ് ശ്രദ്ധിച്ചുതുടങ്ങിയതെന്നു തോന്നുന്നു. വര്‍ഷങ്ങള്‍ക്കു മുന്‍പേ ആരംഭിച്ചിരുന്നെങ്കിലും, അന്ന് ഓണ്‍ലൈനില്‍ സജീവമായിരുന്നവര്‍ ഇന്നത്തേക്കാള്‍ കുറവായിരുന്നു എന്ന കാരണത്താല്‍ പൊതുജനങ്ങളുടെ ശ്രദ്ധ അത്രക്ക് ലഭിക്കാതെപോയ കുട്ടികളുടെ ഈ ന്യൂസ് ബ്ലോഗിനെക്കുറിച്ച് എഴുതിയ ഈ ഓര്‍മ്മക്കുറിപ്പ് മനോരമ ഓണ്‍ലൈനിലും വന്നിട്ടുണ്ട്.
പത്തുവര്‍ഷം മുന്‍പ്, പൂഞ്ഞാര്‍ സെന്റ് ആന്റണീസിലെ ഗുരു-ശിഷ്യ കൂട്ടായ്മയില്‍ ഉടലെടുത്ത ചില 'ഭ്രാന്തന്‍ ചിന്തകളുടെ' ഫലമായിരുന്നു അന്റോണിയന്‍ ക്ലബ്ബും പൂഞ്ഞാര്‍ ബ്ലോഗും. കുട്ടികളുടെ വ്യക്തിത്വ വികസനവും സാമൂഹ്യസേവനവും പരിസ്ഥിതി സംരക്ഷണവും ലക്ഷ്യമാക്കിയാണ് പൂഞ്ഞാര്‍ സെന്റ് ആന്റണീസ് സ്കൂളില്‍ അന്റോണിയന്‍ ക്ലബ്ബിന് രൂപം നല്‍കിയത്. സാമൂഹ്യസേവന പ്രവര്‍ത്തനങ്ങളുടെ ഭാഗമായി വിവിധ പ്രവര്‍ത്തനങ്ങള്‍ ആസൂത്രണം ചെയ്തപ്പോള്‍, ഐ.റ്റി.-യിലും ജേര്‍ണലിസത്തിലുമുള്ള താത്പ്പര്യംമൂലമാണ്,കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും ഉപകാരപ്രദമായ വിവരങ്ങള്‍ പങ്കുവക്കുന്ന ഒരു ബ്ലോഗ് തുടങ്ങാന്‍ തീരുമാനിച്ചത്.
പത്രപ്രവത്തനത്തിന്റെ സാധ്യതകള്‍ മനസ്സിലാക്കുവാനും കുട്ടികളുടെ കഴിവുകളും അഭിരുചികളും കണ്ടെത്തി വികസിപ്പിക്കുവാനും പൂഞ്ഞാര്‍ സെന്റ് ആന്റണീസ് സ്കൂളില്‍ നിന്നും 2007-ല്‍, 'അന്റോണിയന്‍' എന്ന പേരില്‍ ഒരു സ്കൂള്‍ പത്രം പുറത്തിറക്കിയിരുന്നു. വര്‍ഷത്തില്‍ ഒന്നു മാത്രമുള്ള ഈ പത്രം 2008-ലും പ്രസിധീകരിച്ചു. 2009-ല്‍ കുട്ടികള്‍ കണ്ടെത്തുന്ന നാടിന്റെ വാര്‍ത്തകള്‍കൂടി പ്രസിധീകരിക്കുന്ന ഒരു ത്രൈമാസ പത്രമായി അന്റോണിയന്‍ മാറി. 2010-ല്‍ അന്റോണിയന്‍ പത്രം ബ്ലോഗായി പരിണമിച്ചു.
പത്രപ്രവത്തനത്തിന്റെ സാധ്യതകള്‍ മനസ്സിലാക്കുവാനും കുട്ടികളുടെ കഴിവുകളും അഭിരുചികളും കണ്ടെത്തി വികസിപ്പിക്കുവാനും പൂഞ്ഞാര്‍ സെന്റ് ആന്റണീസ് സ്കൂളില്‍ നിന്നും 2007-ല്‍, 'അന്റോണിയന്‍' എന്ന പേരില്‍ ഒരു സ്കൂള്‍ പത്രം പുറത്തിറക്കിയിരുന്നു. വര്‍ഷത്തില്‍ ഒന്നു മാത്രമുള്ള ഈ പത്രം 2008-ലും പ്രസിധീകരിച്ചു. 2009-ല്‍ കുട്ടികള്‍ കണ്ടെത്തുന്ന നാടിന്റെ വാര്‍ത്തകള്‍കൂടി പ്രസിധീകരിക്കുന്ന ഒരു ത്രൈമാസ പത്രമായി അന്റോണിയന്‍ മാറി. 2010-ല്‍ അന്റോണിയന്‍ പത്രം ബ്ലോഗായി പരിണമിച്ചു.
 |
| ആദ്യകാല അന്റോണിയന്‍ ക്ലബ്ബ് അംഗങ്ങള്‍ സിനിമാ നടന്‍ അനൂപ് ചന്ദ്രനൊപ്പം.. |
'പൂഞ്ഞാര്‍ ന്യൂസ് ' എന്ന പേരിലായിരുന്നു തുടക്കം. പിന്നീട് സാങ്കേതിക കാരണങ്ങളാല്‍ പൂഞ്ഞാര്‍ ബ്ലോഗ് എന്ന പേര് സ്വീകരിക്കുകയായിരുന്നു. യു.പി.,ഹൈസ്കൂള്‍ ക്ലാസുകളിലായി പഠിക്കുന്ന അറുപതോളം മിടുക്കരാണ് ഈ ന്യൂസ് ബ്ലോഗിനു പിന്നില്‍ അണിനിരന്നത്. പ്രധാനമായും സ്കൂള്‍ വാര്‍ത്തകളും അധ്യാപക-വിദ്യാര്‍ഥി-രക്ഷാകര്‍ത്തൃ സമൂഹത്തിന് ഉപകാരപ്രദമായ അറിവുകളുമാണ് ബ്ലോഗിലൂടെ നല്‍കിയിരുന്നത്. കുട്ടികള്‍, തങ്ങള്‍ താമസിക്കുന്ന പ്രദേശത്തെ അടിസ്ഥാനമാക്കി പല ഗ്രൂപ്പുകളായി പ്രവര്‍ത്തിക്കുകയും പ്രാദേശിക റിപ്പോര്‍ട്ടര്‍മാര്‍ എന്ന നിലയില്‍ തങ്ങളുടെ പ്രദേശത്തെ നന്മ നിറഞ്ഞ വാര്‍ത്തകള്‍, ഗ്രാമപഞ്ചായത്ത് വാര്‍ഡ് മെമ്പര്‍മാരുടെയും പി.റ്റി.എ. അംഗങ്ങളുടെയും സഹായത്തോടെ കണ്ടെത്തുകയും ചെയ്തു.
ന്യൂസ് റൈറ്റിംഗിലും റിപ്പോട്ടിംഗിലും എഡിറ്റിംഗിലും കുട്ടികള്‍ക്ക് പ്രത്യേകപരിശീലനവും നല്‍കി. സുഹൃത്തും അന്ന് മലയാളമനോരമ സീനിയര്‍ സബ് എഡിറ്ററുമായിരുന്ന സുനീഷ് (പിന്നീട് ചീഫ് സബ് എഡിറ്ററും ഇപ്പോളത്തെ സ്പോര്‍ട്സ് എഡിറ്ററുമായ സുനീഷ് തോമസ്) അടക്കമുള്ള വിദഗ്ദ്ധരാണ് കുട്ടിറിപ്പോര്‍ട്ടര്‍മാരെ പരിശീലിപ്പിച്ചത്. സ്കൂളില്‍ എത്തുന്ന വാര്‍ത്തകള്‍ അധ്യാപകരും വിദ്യാര്‍ത്ഥികളും അടങ്ങുന്ന എഡിറ്റോറിയല്‍ ബോര്‍ഡ് പ്രസിധീകരണയോഗ്യമാക്കുന്നു. എല്ലാ ദിവസവും സ്കൂള്‍ സമയത്തിനുശേഷവും അവധി ദിവസങ്ങളിലുമാണ് ഈ പ്രവര്‍ത്തനങ്ങള്‍ നടന്നിരുന്നത്.
പത്തുവര്‍ഷങ്ങള്‍ക്കു മുന്‍പ്, സോഫ്റ്റ് വെയര്‍ ഉപയോഗിച്ച് ഓണ്‍ലൈനില്‍ സ്കൂള്‍ കലാമേളകള്‍ നടത്തുവാന്‍ തുടങ്ങിയ അതേവര്‍ഷംതന്നെ, ഈരാറ്റുപേട്ട ഉപജില്ലാ റിസല്‍ട്ടുകള്‍ ഓണ്‍ലൈനില്‍ നല്‍കിക്കൊണ്ട് പൂഞ്ഞാര്‍ ബ്ലോഗ് ശ്രദ്ധേയമായി. അന്നുതൊട്ട് ഇന്നുവരെ, ഉപജില്ലയിലെ എല്ലാ സ്കൂള്‍ മേളകളുടെയും റിസല്‍ട്ടുകള്‍ ഓണ്‍ലൈനില്‍ അറിയുവാന്‍ ഉപജില്ലയിലെ അധ്യാപകരും വിദ്യാര്‍ഥികളും രക്ഷിതാക്കളും പൂഞ്ഞാര്‍ ബ്ലോഗ് ഉപയോഗപ്പെടുത്തുന്നു. ഇടയ്ക്ക്, ബ്ലോഗിനു ഫേസ് ബുക്ക് പേജും ആരംഭിച്ചു.
ന്യൂസ് റൈറ്റിംഗിലും റിപ്പോട്ടിംഗിലും എഡിറ്റിംഗിലും കുട്ടികള്‍ക്ക് പ്രത്യേകപരിശീലനവും നല്‍കി. സുഹൃത്തും അന്ന് മലയാളമനോരമ സീനിയര്‍ സബ് എഡിറ്ററുമായിരുന്ന സുനീഷ് (പിന്നീട് ചീഫ് സബ് എഡിറ്ററും ഇപ്പോളത്തെ സ്പോര്‍ട്സ് എഡിറ്ററുമായ സുനീഷ് തോമസ്) അടക്കമുള്ള വിദഗ്ദ്ധരാണ് കുട്ടിറിപ്പോര്‍ട്ടര്‍മാരെ പരിശീലിപ്പിച്ചത്. സ്കൂളില്‍ എത്തുന്ന വാര്‍ത്തകള്‍ അധ്യാപകരും വിദ്യാര്‍ത്ഥികളും അടങ്ങുന്ന എഡിറ്റോറിയല്‍ ബോര്‍ഡ് പ്രസിധീകരണയോഗ്യമാക്കുന്നു. എല്ലാ ദിവസവും സ്കൂള്‍ സമയത്തിനുശേഷവും അവധി ദിവസങ്ങളിലുമാണ് ഈ പ്രവര്‍ത്തനങ്ങള്‍ നടന്നിരുന്നത്.
പത്തുവര്‍ഷങ്ങള്‍ക്കു മുന്‍പ്, സോഫ്റ്റ് വെയര്‍ ഉപയോഗിച്ച് ഓണ്‍ലൈനില്‍ സ്കൂള്‍ കലാമേളകള്‍ നടത്തുവാന്‍ തുടങ്ങിയ അതേവര്‍ഷംതന്നെ, ഈരാറ്റുപേട്ട ഉപജില്ലാ റിസല്‍ട്ടുകള്‍ ഓണ്‍ലൈനില്‍ നല്‍കിക്കൊണ്ട് പൂഞ്ഞാര്‍ ബ്ലോഗ് ശ്രദ്ധേയമായി. അന്നുതൊട്ട് ഇന്നുവരെ, ഉപജില്ലയിലെ എല്ലാ സ്കൂള്‍ മേളകളുടെയും റിസല്‍ട്ടുകള്‍ ഓണ്‍ലൈനില്‍ അറിയുവാന്‍ ഉപജില്ലയിലെ അധ്യാപകരും വിദ്യാര്‍ഥികളും രക്ഷിതാക്കളും പൂഞ്ഞാര്‍ ബ്ലോഗ് ഉപയോഗപ്പെടുത്തുന്നു. ഇടയ്ക്ക്, ബ്ലോഗിനു ഫേസ് ബുക്ക് പേജും ആരംഭിച്ചു.
ഇതൊക്കെയാണെങ്കിലും, ചില പോസ്റ്റുകളുടെ വ്യൂവേഴ്സിന്റെ എണ്ണം കാണുമ്പോള്‍ നിരാശതോന്നും. ഇന്റര്‍നെറ്റ് സേവനങ്ങളുമായി ജിയോ എത്തുന്നതിനു മുന്‍പുള്ള കാലമായതിനാല്‍, അന്ന് ഓണ്‍ലൈനില്‍ സജീവമായവര്‍ കുറവായിരുന്നു എന്നതാണ് പ്രധാന കാരണം. ബിസിനസോ പരസ്യലാഭങ്ങളോ ഒന്നും ലക്ഷ്യമായിരുന്നില്ല എന്നതിനാല്‍ കൂടുതല്‍ പബ്ലിസിറ്റിക്ക് ശ്രമിച്ചുമില്ല. ഹൈസ്കൂളിലേക്ക് പ്രമോഷന്‍ വന്നതോടെ സമയവും വില്ലനായി. ഔദ്യോഗിക സ്കൂള്‍ സമയത്തിനു മുന്‍പും ശേഷവും, കൂടാതെ ശനിയാഴ്ച്ചകളിലുമൊക്കെ പത്താം ക്ലാസിന് സ്പെഷ്യല്‍ ക്ലാസുകള്‍, അതും കുട്ടികളുടെ ഭികര വിഷയമായ 'കണക്ക് ' കൈകാര്യം ചെയ്യേണ്ടി വന്നതോടെ, സമയക്കുറവുമൂലം പല പാഠ്യാനുബന്ധ പ്രവര്‍ത്തനങ്ങളും നിര്‍ത്തേണ്ടി വന്നു.
ബ്ലോഗ് ഏതാണ്ട് നിര്‍ജ്ജീവ അവസ്ഥയിലായപ്പോള്‍, പ്രവര്‍ത്തനം അവസാനിപ്പിച്ചാലോ എന്നായി ആലോചന. പത്തുവര്‍ഷത്തോളം, ദിവസവും അനേക മണിക്കൂറുകള്‍ ചെലവഴിച്ച് വളര്‍ത്തിക്കൊണ്ടുവന്ന പ്രസ്ഥാനം ഇല്ലാതാകുന്ന സങ്കടം മറുവശത്ത്. ബ്ലോഗ് പേജുകള്‍ എല്ലാം ഡിലിറ്റ് ചെയ്തു. ബ്ലോഗ് ഡിലിറ്റാക്കുന്നതിനു മുന്‍പ്, ഫേസ് ബുക്ക് പേജ് ഡിലിറ്റ് ചെയ്യാന്‍ നോക്കിയപ്പോള്‍, ഇന്‍ബോക്സില്‍ അരമണിക്കൂര്‍ മുന്‍പ് ഒരു മെസേജ് വന്നിരിക്കുന്നു.
ഒരു തൃശൂര്‍ക്കാരനാണ്. റോഡ് അപകടത്തില്‍ ഗുരുതരമായി പരിക്കേറ്റ് അബോധാവസ്ഥയിലായ ആളെ തൃശൂരിലുള്ള ആശുപത്രിയില്‍ എത്തിച്ചിരിക്കുന്നു. പൂഞ്ഞാറുകാരന്‍ എന്ന സംശയത്താല്‍ നെറ്റില്‍ പൂഞ്ഞാര്‍ എന്നു സേര്‍ച്ച് ചെയ്തപ്പോള്‍ പൂഞ്ഞാര്‍ ബ്ലോഗിന്റെ ഫേസ് ബുക്ക് പേജാണ് പെട്ടെന്ന് ലഭിച്ചത്. അതിലേക്ക് ആളുടെ ഫോട്ടോ സഹിതം വിവരങ്ങള്‍ അയച്ചിരിക്കുന്നു. കണ്ടതേ ആളേ മനസിലായി. സ്കൂളിലെ കുട്ടിയുടെ രക്ഷിതാവാണ്. പെട്ടെന്ന് വിവരങ്ങള്‍ കൈമാറി. രാത്രിതന്നെ വീട്ടുകാര്‍ക്കും സുഹൃത്തുക്കള്‍ക്കും തൃശൂരെത്തി ആളെ ഏറ്റെടുക്കാന്‍ സാധിച്ചു. ഇപ്പോഴും ചികിത്സ തുടരുന്നു.
ബ്ലോഗ് ഏതാണ്ട് നിര്‍ജ്ജീവ അവസ്ഥയിലായപ്പോള്‍, പ്രവര്‍ത്തനം അവസാനിപ്പിച്ചാലോ എന്നായി ആലോചന. പത്തുവര്‍ഷത്തോളം, ദിവസവും അനേക മണിക്കൂറുകള്‍ ചെലവഴിച്ച് വളര്‍ത്തിക്കൊണ്ടുവന്ന പ്രസ്ഥാനം ഇല്ലാതാകുന്ന സങ്കടം മറുവശത്ത്. ബ്ലോഗ് പേജുകള്‍ എല്ലാം ഡിലിറ്റ് ചെയ്തു. ബ്ലോഗ് ഡിലിറ്റാക്കുന്നതിനു മുന്‍പ്, ഫേസ് ബുക്ക് പേജ് ഡിലിറ്റ് ചെയ്യാന്‍ നോക്കിയപ്പോള്‍, ഇന്‍ബോക്സില്‍ അരമണിക്കൂര്‍ മുന്‍പ് ഒരു മെസേജ് വന്നിരിക്കുന്നു.
ഒരു തൃശൂര്‍ക്കാരനാണ്. റോഡ് അപകടത്തില്‍ ഗുരുതരമായി പരിക്കേറ്റ് അബോധാവസ്ഥയിലായ ആളെ തൃശൂരിലുള്ള ആശുപത്രിയില്‍ എത്തിച്ചിരിക്കുന്നു. പൂഞ്ഞാറുകാരന്‍ എന്ന സംശയത്താല്‍ നെറ്റില്‍ പൂഞ്ഞാര്‍ എന്നു സേര്‍ച്ച് ചെയ്തപ്പോള്‍ പൂഞ്ഞാര്‍ ബ്ലോഗിന്റെ ഫേസ് ബുക്ക് പേജാണ് പെട്ടെന്ന് ലഭിച്ചത്. അതിലേക്ക് ആളുടെ ഫോട്ടോ സഹിതം വിവരങ്ങള്‍ അയച്ചിരിക്കുന്നു. കണ്ടതേ ആളേ മനസിലായി. സ്കൂളിലെ കുട്ടിയുടെ രക്ഷിതാവാണ്. പെട്ടെന്ന് വിവരങ്ങള്‍ കൈമാറി. രാത്രിതന്നെ വീട്ടുകാര്‍ക്കും സുഹൃത്തുക്കള്‍ക്കും തൃശൂരെത്തി ആളെ ഏറ്റെടുക്കാന്‍ സാധിച്ചു. ഇപ്പോഴും ചികിത്സ തുടരുന്നു.
പൂഞ്ഞാര്‍ ബ്ലോഗിനും പുതുജീവന്‍ പകര്‍ന്ന സംഭവമായിരുന്നു ഇത്. സാമൂഹ്യ സേവനത്തിനായി ആരംഭിച്ച ബ്ലോഗ് ഞങ്ങളുടെ സ്കൂളിലെ രക്ഷിതാവിനുതന്നെ താങ്ങായിരിക്കുന്നു. ബ്ലോഗ് പ്രവര്‍ത്തനങ്ങള്‍ അവസാനിപ്പിക്കുവാനുള്ള ചിന്ത ഒരു നിമിഷംകൊണ്ട് ഉപേക്ഷിച്ചു. എല്ലാ ദിവസവും അപ്ഡേഷനുകള്‍ നടത്തുന്നില്ലെങ്കിലും, കുട്ടികളുടെ ടീം രൂപീകരിക്കാനും കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും ഉപകാരപ്രദമായ അറിവുകള്‍ പങ്കുവയ്ക്കുന്ന ഒരിടമായി ബ്ലോഗിനെ നിലനിര്‍ത്താനും തീരുമാനമായി. Antonian News എന്ന പേരില്‍ കുട്ടികളുടെ യു-ട്യൂബ് ചാനലും ഇതോടനുബന്ധിച്ച് പ്രവര്‍ത്തനം ആരംഭിച്ചു.
ഇപ്പോള്‍, കോവിഡ് 19 പകര്‍ച്ചവ്യാധിക്കെതിരെയുള്ള ഔദ്യോഗിക അറിയിപ്പുകള്‍ ശേഖരിച്ച് ബ്ലോഗിലൂടെ നല്‍കിക്കൊണ്ടിരിക്കുന്നു. പൂഞ്ഞാര്‍ തെക്കേക്കര ഗ്രാമപഞ്ചായത്തില്‍നിന്നും പൂഞ്ഞാര്‍ പി.ച്ച്.സി.- യില്‍നിന്നുമുള്ള അറിയിപ്പുകള്‍ അതാത് സമയങ്ങളില്‍ ഓണ്‍ലൈന്‍ ചെയ്യുന്നു. കൂടാതെ, ലോക് ഡൗണ്‍ കാലത്ത് കുട്ടികള്‍ വീട്ടിലിരുന്ന് പുതിയ ആശയങ്ങള്‍ കണ്ടെത്തി യു-ട്യൂബ് ചാനലിലൂടെ അവതരിപ്പിച്ചു തുടങ്ങിക്കഴിഞ്ഞു. അതെ.. ഞങ്ങളുടെ ഭ്രാന്തന്‍ ചിന്തകള്‍ക്ക് വീണ്ടും ചിറകുമുളയ്ക്കുകയാണ്..
 |
| ബ്ലോഗിന്റെ യൂ-ട്യൂബ് ചാനല്‍.. |
പൂഞ്ഞാര്‍ ബ്ലോഗിന്റെ വിലാസം : www.poonjarblog.blogspot.com
ബ്ലോഗിന്റെ ഫേസ് ബുക്ക് പേജ് : www.facebook.com/poonjarblog
യു-ട്യൂബ് ചാനല്‍ : www.youtube.com/channel/UCts18mQXt1stldhqPRkADGg
(ടോണി തോമസ് പുതിയാപറമ്പില്‍, അധ്യാപക കോ-ഓര്‍ഡിനേറ്റര്‍, സെന്റ് ആന്റണീസ് ഹയര്‍ സെക്കന്‍ഡറി സ്കൂള്‍, പൂഞ്ഞാര്‍. Mb - 9895871371)
No comments:
Post a Comment