പൊതുവിദ്യാഭ്യാസ മേഖലയിൽ പൂഞ്ഞാർ നിയോജകമണ്ഡലം സമ്പൂർണ്ണ ഡിജിറ്റൽ..

പൂഞ്ഞാർ  : വിദ്യാഭ്യാസ മേഖലയിൽ  പൂഞ്ഞാർ നിയോജകമണ്ഡലത്തിലെ എല്ലാ പൊതു വിദ്യാലയങ്ങളും പൂർണ്ണമായി ഡിജിറ്റലായതിന്റെ പ്രഖ്യാപനം പി. സി. ജോർജ് എം.എൽ.എ. നടത്തി. കേരളം സമ്പൂർണ്ണ ഡിജിറ്റലാകുന്നതിൻ്റെ ഔദ്യോഗിക പ്രഖ്യാപനം മുഖ്യമന്ത്രി പിണറായി വിജയൻ ഓൺലൈനായി നിർവ്വഹിച്ച സമയത്തുതന്നെ പൂഞ്ഞാർ സെന്റ് ആന്റണിസ് ഹയർ സെക്കന്ററി സ്കൂളിൽ  ചേർന്ന യോഗത്തിൽ നിയോജക മണ്ഡലതല പ്രഖ്യാപനം എം.ൽ.എ. നടത്തുകയായിരുന്നു. 

സ്കൂൾ മാനേജർ ഫാ. ചാണ്ടി കിഴക്കയിൽ CMI അധ്യക്ഷത വഹിച്ചു. ഈരാറ്റുപേട്ട ബ്ലോക്ക്‌ പഞ്ചായത്ത്‌ പ്രസിഡന്റ്‌ പ്രേംജി ആർ.,  പഞ്ചായത്ത്‌ വൈസ് പ്രസിഡന്റ്‌ ടെസ്സി ബിജു, വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ ബിന്ദു സുരേന്ദ്രൻ, പഞ്ചായത്ത്‌ അംഗം അനിൽകുമാർ മഞ്ഞപ്ലാക്കൽ,  ഉപജില്ലാ വിദ്യാഭ്യാസ ഓഫീസർ ജോർജ് തോമസ്,  സ്കൂൾ പ്രിൻസിപ്പാൾ ബെന്നി തോമസ്, ഹെഡ്മാസ്റ്റർ ടോം കെ. എ., എൽ.പി. സ്കൂൾ ഹെഡ്മിസ്ട്രസ് ജെസ്സി അഗസ്റ്റിൻ, പി.റ്റി.എ. പ്രസിഡന്റ്‌ എം.സി. വർക്കി, മീനച്ചിൽ ഈസ്റ്റ്‌ അർബൻ ബാങ്ക് ചെയർമാൻ കെ എഫ് കുര്യൻ, എം.പി.റ്റി.എ. പ്രസിഡൻ്റ് ആഷാ ജോസ്, കൈറ്റ് പ്രതിനിധി ശ്രീകുമാർ പി.ആർ., ബി.ആർ.സി.  പ്രതിനിധി ജോബി ജോസഫ്, സി.ആർ.സി. കോ-ഓർഡിനേറ്റർ എലിസബത്ത് പി. മാത്യു,  അധ്യാപക പ്രതിനിധികളായ ബൈജു ജേക്കബ്ബ്, ജാൻസി തോമസ്,  ജോബിൻ കുരുവിള, ടോണി തോമസ് എന്നിവർ പങ്കെടുത്തു.

പൂഞ്ഞാറിന്റെ പ്രിയപ്പെട്ട ജെയിംസച്ചന് യാത്രാമംഗളങ്ങള്‍..

      പൂഞ്ഞാര്‍ സെന്റ് ആന്റണീസ് സ്കൂള്‍ മാനേജരും ചെറുപുഷ്പാശ്രമ ദൈവാലയ പ്രിയോരുമായ ഫാ.ജെയിംസ് നീണ്ടൂശ്ശേരി സി.എം.ഐ., പൂഞ്ഞാറിലെ സ്തുത്യര്‍ഹമായ സേവനത്തിനുശേഷം, പുളിയന്മല ആശ്രമത്തിന്റെ പ്രിയോര്‍, ഇടവക വികാരി എന്നീ ഉത്തരവാദിത്വങ്ങള്‍ ഏറ്റെടുത്ത് സ്ഥലം മാറി പോകുകയാണ്. കഴിഞ്ഞ മൂന്നര വര്‍ഷക്കാലത്തെ തന്റെ സേവനത്തിലൂടെ സെന്റ് ആന്റണീസ് സ്കൂളിനും ആശ്രമത്തിനും നാടിനും നിരവധി നന്മകള്‍ സമ്മാനിച്ചാണ് അച്ചന്‍ പുതിയ കര്‍മ്മഭൂമിയിലേക്ക് യാത്രയാവുന്നത്. കുട്ടികള്‍ക്ക് കൂടുതല്‍ മികച്ച പഠനാന്തരീക്ഷം സൃഷ്ടിക്കാനായി, പൂഞ്ഞാര്‍ സെന്റ് ആന്റണീസ് സ്കൂളില്‍ നിരവധി പ്രവര്‍ത്തനങ്ങളാണ് കഴിഞ്ഞ വര്‍ഷങ്ങളില്‍ അച്ചന്‍ നടത്തിയത്. 

      ഗവണ്‍മെന്റ് സ്മാര്‍ട്ട് ക്ലാസ് റൂമിനുള്ള ഉപകരണങ്ങള്‍ നല്‍കിയപ്പോള്‍ , അതിനുള്ള ഏറ്റവും മികച്ച അടിസ്ഥാന സൗകര്യങ്ങള്‍ ഒരുക്കി 18 സ്മാര്‍ട്ട് ക്ലാസ് മുറികള്‍ തയ്യാറാക്കുന്നതിന് അച്ചന്‍ നേതൃത്വം നല്‍കി. സ്ഥലം മാറുന്ന സമയത്തും, ഹയര്‍ സെക്കന്‍ഡറി ബില്‍ഡിംഗിനോട് ചേര്‍ന്ന് ആണ്‍കുട്ടികള്‍ക്കായി ആധുനിക രീതിയിലുള്ള ടോയ്ലറ്റും അനുബന്ധ സൗകര്യങ്ങളും, കൊച്ചു കുട്ടികള്‍ക്കായി യു.പി. കെട്ടിടത്തോട് ചേര്‍ന്ന് പുതിയ ടാപ്പുകളും മറ്റ് സൗകര്യങ്ങളും നിര്‍മ്മിക്കുന്ന തിരക്കിലായിരുന്നു അച്ചന്‍. ക്ലാസ്മുറികളുടെ നവീകരണത്തിനൊപ്പം കുട്ടികളുടെ സുരക്ഷക്കായി ഇടിമിന്നല്‍ രക്ഷാ ചാലകം സ്ഥാപിക്കുകയും, മുറ്റത്തിനും ഗ്രീന്‍ഫീല്‍ഡ് സ്റ്റേഡിയത്തിനും ബാസ്കറ്റ് ബോള്‍ കോര്‍ട്ടിനും ചുറ്റുമതില്‍ നിര്‍മ്മിക്കുകയും ചെയ്തു. ഹൈസ്കൂള്‍ കംപ്യൂട്ടര്‍ ലാബ് അടുത്ത നാളില്‍ നവീകരിച്ചു നല്‍കി. ഹയര്‍ സെക്കന്‍ഡറി മാത്സ് ലാബ് തയ്യാറാക്കി. 

     ജെയിംസച്ചന്റെ പ്രത്യേക താത്പ്പര്യത്തിലും നേതൃത്വത്തിലുമാണ് രണ്ട് വര്‍ഷം മുന്‍പ് സ്കൂളിനായി പുതിയ ബസ് വാങ്ങിയത്. കൂടാതെ വിവിധ ഗവണ്‍മെന്റ് ഫണ്ടുകളുടെ സഹായത്തോടെ (MP-MLA-ജില്ലാ പഞ്ചായത്ത് ഫണ്ടുകള്‍) വിവിധ നിര്‍മ്മാണ പ്രവര്‍ത്തനങ്ങള്‍ക്കും നേതൃത്വം നല്‍കി. LP സ്കൂള്‍ കെട്ടിടത്തില്‍ പുതിയ പാചകപ്പുര, അവിടുത്തെ കൊച്ചുകുട്ടികള്‍ക്കായി പുതിയ മള്‍ട്ടിമീഡിയ റൂം, സ്കൂള്‍ മുറ്റവും പരിസരവും മനോഹരമാക്കി പുതിയ പാര്‍ക്ക്,.. തുടങ്ങിയ പദ്ധതികളും കോവി‍ഡ് അവധിക്കാലത്ത് പൂര്‍ത്തിയാക്കിക്കഴിഞ്ഞു. ഒരു നല്ല കലാകാരന്‍കൂടിയാണ് ജെയിംസച്ചന്‍. ആശ്രമ പരിസരത്ത് നിര്‍മ്മിച്ച മനോഹരമായ കവാടത്തിന്റെയും ചാവറ ഗ്രോട്ടോയുടെയും നിര്‍മ്മാണ വേളയില്‍, ശില്‍പ്പിക്കൊപ്പം ഗ്രോട്ടോയ്ക്ക് നിറം പകര്‍ന്ന അച്ചന്റെ കലാവാസന ജനശ്രദ്ധ നേടിയിരുന്നു. 

      രണ്ടുതവണ സി.എം.ഐ. പ്രൊവിന്‍ഷ്യല്‍ കൗണ്‍സില്‍ അംഗം, ദീപിക ബുക്ക് ഹൗസ് മാനേജര്‍, പാലാ സെന്റ് വിന്‍സെന്റ് സ്കൂള്‍ പ്രിന്‍സിപ്പാള്‍, പൂഞ്ഞാര്‍ സെന്റ് ആന്റണീസ്, ഇടമറ്റം കെ.റ്റി.ജെ.എം., പാലംബ്ര അസംപ്ഷന്‍ എന്നീ സ്കൂളുകളിലെ അധ്യാപകന്‍ എന്നീ നിലകളില്‍ സേവനം അനുഷ്ഠിച്ചുകഴിഞ്ഞ ജെയിംസ് നീണ്ടൂശ്ശേരി അച്ചന്‍ പുളിയന്മലയിലെ തന്റെ പുതിയ കര്‍മ്മ മണ്ഢലത്തിലേക്ക് യാത്രയാകുമ്പോള്‍, പൂഞ്ഞാര്‍ സെന്റ് ആന്റണീസ് കുടുംബത്തിന്റെയും പൂഞ്ഞാര്‍ ഗ്രാമത്തിന്റെയും ഹൃദയം നിറഞ്ഞ നന്ദിയും യാത്രാമംഗളങ്ങളും നേരുന്നു..

പൂഞ്ഞാറിൽ പെയ്യുന്ന മഴയുടെ അളവ് കൃത്യമായി രേഖപ്പെടുത്തി തുടങ്ങി..

(കഴിഞ്ഞ 48 മണിക്കൂറിൽ പൂഞ്ഞാറിൽ പെയ്ത മഴയുടെ അളവ് 66 mm)

പൂഞ്ഞാർ (21/09/20) : ജില്ലയുടെ പടിഞ്ഞാറൻ മേഖലയിലെ വെളളപ്പൊക്ക ഭീക്ഷണി നേരിടുവാനായി, കിഴക്കൻ മേഖലയിലെ മഴ - ജലനിരപ്പ് വിവരങ്ങൾ, മീനച്ചിൽ നദീസംരക്ഷണ സമിതിയുടെ 'സേവ് മീനച്ചിലാർ ' ഗ്രൂപ്പിൻ്റെ നേതൃത്വത്തിൽ ശേഖരിക്കുകയാണ്. പൂഞ്ഞാറിലെ വിവരങ്ങൾ നൽകാനുള്ള ചുമതല പൂഞ്ഞാർ സെൻ്റ് ആൻ്റണീസ് ഹയർ സെക്കൻ്ററി സ്കൂളിലെ Antonian Club ഏറ്റെടുത്ത് നിർവ്വഹിക്കുകയാണ്. മഴമാപിനി ഉപയോഗിച്ച് ഓരോ 12 മണിക്കൂറിലും ചെയ്യുന്ന മഴയുടെ അളവ് കൃത്യമായി രേഖപ്പെടുത്തുകയാണ് ചെയ്യുന്നത്. കഴിഞ്ഞ 48 മണിക്കൂറിൽ പൂഞ്ഞാറിൽ പെയ്ത മഴയുടെ അളവ് 66 mm ആണ്. വിശദ വിവരങ്ങൾ ചുവടെ..

Poonjar - 21/09/20, തിങ്കൾ, 7.45 am
ഇടവിട്ടു മാത്രം ശക്തമായ മഴ. അല്ലാത്തപ്പോൾ ചെറിയ മഴയോ തൂളലോ. ഇടക്ക് ചിലപ്പോൾ ചെറുതായി തെളിയും. ഉടൻ ഇരുണ്ടുമൂടി മഴയും എത്തും. ഇതാണ് കഴിഞ്ഞ 2 ദിവസമായി പൂഞ്ഞാറിലെ അവസ്ഥ. ഇങ്ങനെ മഴ പെയ്യുമ്പോൾ സ്വോഭാവികമായി എത്തുന്ന വെള്ളമേ മീനച്ചിലാറ്റിൽ ഉള്ളൂ. ഇപ്പോൾ പേടിക്കേണ്ട അവസ്ഥ ഒന്നുമില്ല. ഈ സമയത്തും (21/09/20, 7.45 am) മേൽ പറഞ്ഞ രീതിയിൽതന്നെ മഴ തുടരുന്നു.

കഴിഞ്ഞ 2 ദിവസത്തെ മഴ അളവ്
സെപ്റ്റംബർ 19, ശനി, 6 am - 6 pm  : 28.8 mm
സെപ്റ്റംബർ 19, ശനി, 6 pm - സെപ്റ്റംബർ 20, ഞായർ, 6 am : 9.2 mm
സെപ്റ്റംബർ 20, ഞായർ, 6 am - 6 pm  : 14.2 mm
സെപ്റ്റംബർ 20, ഞായർ, 6 pm - സെപ്റ്റംബർ 21, തിങ്കൾ, 6 am : 13.8 mm

കഴിഞ്ഞ 48 മണിക്കൂറിൽ പൂഞ്ഞാറിൽ പെയ്ത ആകെ മഴയുടെ അളവ് : 66 mm

ജെയ്മോന്റെ നക്ഷത്രം ലോകം കീഴടക്കുന്നു..

     പൂഞ്ഞാർ സെന്റ് ആന്റണീസ് ഹയർ സെക്കന്ററി സ്കൂളിലെ ഓഫീസ് സ്റ്റാഫായ ജെയ്മോൻ നിർമ്മിച്ച ക്രിസ്മസ് സ്റ്റാർ, ലോകത്തിലെ ഏറ്റവും ഉയരം കൂടിയ ക്രിസ്മസ് നക്ഷത്രത്തിനുള്ള ഇന്ത്യൻ ബുക്ക് ഓഫ് റെക്കോർഡ്സിന്റെയും അറേബ്യൻ ബുക്ക് ഓഫ് വേൾഡ് റിക്കോർഡ്സിന്റെയും അംഗീകാരം കരസ്ഥമാക്കി. 108.9 അടി ഉയരമുള്ള നക്ഷത്രം കടുത്തുരുത്തി പൂഴിക്കോൽ സെന്റ് ആന്റണീസ് പള്ളിയിൽ 2019 ഡിസംബർ മാസമാണ് ഉയർത്തിയത്. ജി.ഐ. പൈപ്പും ക്ലോത്ത് ഫ്ലെക്സും ഉപയോഗിച്ച് നിർമ്മിച്ച കൂറ്റൻ നക്ഷത്രത്തിന് മൂന്നര ലക്ഷം രൂപയോളം ചെലവ് വന്നു. എർണാകുളത്തുനിന്ന് മൂന്ന് ക്രെയിനുകൾ എത്തിച്ചാണ് നക്ഷത്രം ഉയർത്തുകയും പിന്നീട് താഴ്ത്തുകയും ചെയ്തത്. 

        പൂഴിക്കോൽ ദേവാലയ അങ്കണത്തിൽ ചേർന്ന അനുമോദന യോഗത്തിൽ മോൻസ് ജോസഫ് എം.എൽ.എ. ജെയ്മോന് ഇന്ത്യൻ ബുക്ക് ഓഫ് റെക്കോർഡ്സിന്റെ പുരസ്കാരം കൈമാറി.

ഫാ.തോമസ് കിഴക്കേകൊല്ലിത്താനത്ത്, ഫാ. സ്കറിയ മോടിയിൽ, ഫാ. ടൈറ്റസ് തട്ടാമറ്റത്തിൽ, പഞ്ചായത്ത് വൈസ് പ്രസിഡന്റ് സാബു കുന്നേൽ, പഞ്ചായത്തംഗങ്ങളായ ജെസ്സി ലൂക്കോസ്, ബിജു കുര്യൻ, പൂഞ്ഞാർ സെന്റ് ആന്റണീസ് ഹയർ സെക്കൻഡറി സ്ക്കൂൾ പ്രിൻസിപ്പാൾ ബെന്നി തോമസ്, മുൻ പ്രിൻസിപ്പാൾ എ. ജെ. ജോസഫ്, മുൻ ഹെഡ്മാസ്റ്റർ ജോസ് ജോർജ് തുടങ്ങിയവർ ആശംസകൾ അർപ്പിച്ച് സംസാരിച്ചു.

        അറുന്നൂറ്റിമംഗലം കൊല്ലംക്കുഴിയിൽ പരേതരായ ജോസഫ് - റോസമ്മ ദമ്പതികളുടെ മകനായ ജയ്മോൻ ചെറുപ്പം മുതൽ തന്നെ നിരവധി കലാശില്പങ്ങളും കൗതുക വസ്തുക്കളും നിർമ്മിച്ച് ശ്രദ്ധേയനായ വ്യക്തിയാണ്. ഭാര്യ ജിൻസി. മകൻ സാം ക്രിസ്റ്റി ജെ.കെ.

കോവിഡ്കാലത്തും സേവന പ്രവർത്തനങ്ങളിൽ സജീവമായി പൂഞ്ഞാറിലെ യുവജനങ്ങൾ..

പൂഞ്ഞാർ : കോവിഡ് പ്രതിരോധ പ്രവർത്തനങ്ങൾക്കായി മുന്നിട്ടിറങ്ങിയ പൂഞ്ഞാറിലെ എസ്.എം.വൈ.എം. (സീറോ മലബാർ യൂത്ത് മൂവ്മെൻ്റ്) പ്രവർത്തകർ തങ്ങളുടെ നിസ്വാർത്ഥ സേവന പ്രവർത്തനങ്ങളിലൂടെ ശ്രദ്ധേയരായിരിക്കുകയാണ്. മരണത്തെ തുടർന്ന് കോവിഡ് സ്ഥിരീകരിച്ച പൂഞ്ഞാർ നിവാസിയുടെ സംസ്കാര ശുശ്രൂഷകളിൽ സഹകരിച്ചത് അവയിൽ ഒന്നു മാത്രം. 

      കേരളത്തിൽ കോവിഡ് രോഗബാധ തുടങ്ങുന്ന സമയത്തു തന്നെ സെമിനാർ ഉൾപ്പെടെയുള്ള ബോധവത്ക്കരണ പ്രവർത്തനങ്ങളുമായി ഇവർ രംഗത്തെത്തിയിരുന്നു. പൂഞ്ഞാർ ഗവൺമെൻ്റ് ഹോമിയോ ആശുപത്രിയുമായി സഹകരിച്ച് പ്രദേശത്തെ ആളുകൾക്കായി പ്രതിരോധ മരുന്ന് വിതരണം നടത്തി. പൂഞ്ഞാറിലെയും ഈരാറ്റുപേട്ടയിലെയും ആരോഗ്യ പ്രവർത്തകർക്കും പോലീസ് സേനാംഗങ്ങൾക്കും സൗജന്യമായും പൊതുജനങ്ങൾക്ക്  മിതമായ നിരക്കിലും  രണ്ടായിരത്തിൽപരം മാസ്കുകളാണ് ഇവർ നിർമ്മിച്ചു നൽകിയത്. ഇതു കൂടാതെ, ഹാൻഡ് വാഷും ലോഷനും നിർമ്മിച്ച് വിതരണം ചെയ്തിരുന്നു.  

     ഓണാഘോഷത്തിനായി കരുതിയ തുക മണിയംകുളം രക്ഷാഭവനിലെ അന്തേവാസികൾക്കായി നൽകിയ എസ്.എം.വൈ.എം. പ്രവർത്തകർ, സർക്കാരിൻ്റെ ഓണക്കിറ്റ് വിതരണത്തിലും സഹായഹസ്തവുമായി എത്തിയിരുന്നു. സപ്ലൈക്കോയിൽ നിന്ന് കിറ്റുകൾ പൂഞ്ഞാർ തെക്കേക്കരയിലെ വിവിധ റേഷൻ കടകളിൽ എത്തിച്ചു നൽകിയത് ഇവരാണ്. കോവിഡ് ഭീതിമൂലം രക്തദാനം വളരെ കുറഞ്ഞപ്പോൾ, പാലാ പ്രദേശത്തെ ബ്ലഡ് ബാങ്കുകളിൽ രക്തം ദാനം ചെയ്യാൻ പൂഞ്ഞാറിൽ നിന്ന് യുവജനങ്ങൾ എത്തി.  

      കോവിഡ് മാനദണ്ഡങ്ങൾ പാലിച്ചുകൊണ്ട്, വിവിധ സംഘടനകളുമായി സഹകരിച്ച് പച്ചക്കറി തൈകളുടെയും വൃക്ഷത്തൈകളുടെയും വിതരണം നടത്തുകയും, പ്രകൃതിക്ഷോഭത്താലും രോഗത്താലും ദുരിതമനുഭവിച്ച ചെല്ലാനം നിവാസികൾക്ക് സഹായമെത്തിക്കുകയും ചെയ്തു. കോവിഡ് ഭീതിമൂലം ഉണ്ടാകാവുന്ന മാനസിക സംഘർഷങ്ങൾ കുറയ്ക്കാൻ, കുട്ടികൾക്കും മുതിർന്നവർക്കുമായി ഓൺലൈനിൽ നിരവധി മത്സരങ്ങൾ സംഘടിപ്പിക്കാനും ഇവർ മറന്നില്ല. 

      എസ്.എം.വൈ.എം. പൂഞ്ഞാർ മേഖലാ ഡയറക്ടർ ഫാ. ജോൺ കുറ്റാരപ്പള്ളിൽ, വൈസ് ഡയറക്ടർ സി. ജോയ്സി എഫ്.സി.സി., യൂണിറ്റ് പ്രസിഡൻ്റുമാരായ റ്റിജോ വെള്ളേടത്ത്, ലിയാ ജോയി എന്നിവരുടെ നേതൃത്വത്തിൽ ഒരു പറ്റം യുവജനങ്ങളാണ് ഏവരുടെയും പ്രശംസ പിടിച്ചുപറ്റിക്കഴിഞ്ഞ ഈ സേവന പ്രവർത്തനങ്ങളിൽ സജീവമായിട്ടുള്ളത്. ഇവർ നടത്തുന്ന കോവിഡ് പ്രതിരോധ മരുന്നുവിതരണത്തിൻ്റെ രണ്ടാം ഘട്ടം ഇന്ന് (സെപ്റ്റംബർ 18) പൂഞ്ഞാറിൽ നടക്കും.

                                    ഫയല്‍ ചിത്രം

പൂഞ്ഞാർ തെക്കേക്കരയിൽ ഇന്ന് ആൻ്റിജൻ ടെസ്റ്റ്..

ആരോഗ്യ വകുപ്പിൻ്റെ നേതൃത്വത്തിൽ പൂഞ്ഞാർ തെക്കേക്കര PHC-യിൽ ഇന്ന് (സെപ്റ്റംബർ 18 )  കോവിഡ് രോഗനിർണ്ണയത്തിനായുള്ള ആൻ്റിജൻ പരിശോധന നടക്കും. രോഗം സ്ഥിരീകരിച്ചവരുമായി പ്രഥമ - ദ്വിതീയ സമ്പർക്കപ്പട്ടികയിൽ വന്നവർ ഉദ്യോഗസ്ഥരുമായി ഫോണിൽ ബന്ധപ്പെടണം. എന്തെങ്കിലും രോഗലക്ഷണങ്ങൾ ഉള്ളവരും വിളിക്കുക.  ഫോൺ : 9539322314 . പരിശോധന ഇന്ന് രാവിലെ 11-ന് ആരംഭിക്കും. ബുക്ക് ചെയ്തവർക്കാണ് ഇന്ന് അവസരം നൽകുക. കൂടുതൽ ആളുകൾ ഉണ്ടെങ്കിൽ അവർക്ക്, ഇടമറുക്, പാലാ തുടങ്ങിയ സ്ഥലങ്ങളിൽ ഉടൻ പരിശോധന നടത്താനുള്ള സൗകര്യം ചെയ്തു കൊടുക്കുമെന്ന് ഹെൽത്ത് ഇൻസ്പെക്ടർ സിൽബി ജോസഫ് അറിയിച്ചു. വാർഡ് മെമ്പർമാരെയോ പ്രദേശത്തെ ആശ വർക്കർമാരെയോ ഫോണിൽ ബന്ധപ്പെട്ടും പരിശോധനക്കായി ബുക്ക് ചെയ്യാം.

http://poonjarblog.blogspot.com

കണ്ടെയിൻമെൻ്റ് സോണിൽനിന്ന് ഒഴിവായെങ്കിലും ജാഗ്രത തുടരാം..

 #poonjartowncontainmentzone എന്ന ഹാഷ് ടാഗ് ഇനി ഉപയോഗിക്കാൻ ഇടവരാതിരിക്കട്ടെ. പൂഞ്ഞാർ തെക്കേക്കര ഒന്നാം വാർഡിനെ കണ്ടെയിൻമെൻ്റ് സോണിൽനിന്ന് ഒഴിവാക്കി. അലസത ഒട്ടും വേണ്ട. ജാഗ്രത തുടരാം. നമ്മുടെ നാടിൻ്റെ നന്മക്കായി..

ഹയർ സെക്കൻഡറി പ്ലസ് വൺ ഏകജാലക പ്രവേശനം : ആദ്യ അലോട്ട്മെന്റ് ഫലം പ്രസിദ്ധീകരിച്ചു.. നാളെ മുതൽ അഡ്മിഷൻ ആരംഭിക്കും..

HSCAP പോർട്ടലിൽ പ്രവേശിച്ച് Candidate Login നടത്തി അലോട്ട്മെന്റ്  ഫലം പരിശോധിക്കാം.

https://www.hscap.kerala.gov.in/

യൂസർ നെയ്മും പാസ് വേർഡും നൽകി ലോഗിൻ ചെയ്യുമ്പോൾ, നിങ്ങൾക്ക് അഡ്മിഷൻ ലഭിച്ചോ എന്ന കാര്യവും, ലഭിച്ചെങ്കിൽ അഡ്മിഷൻ ഡേറ്റും ടൈമും ഉൾപ്പെടെ അവിടെ കാണാം. അതിനു ചുവടെയുള്ള First Allot Results എന്ന ലിങ്കിൽ ക്ലിക്ക് ചെയ്യുമ്പോൾ അടുത്ത പേജിലെത്തി മറ്റ് വിശദ വിവരങ്ങൾ അറിയാം. അലോട്ട്മെൻ്റ് ലഭിച്ച സ്കൂളിൻ്റെ പേരും കോഴ്‌സ് ഡീറ്റെയിൽസും അവിടെയുണ്ട്. 

Print Allotment Slip -ൽ ക്ലിക്ക് ചെയ്താൽ നിങ്ങൾക്കുള്ള അലോട്ട്മെൻ്റ് സ്ലിപ്പ് കാണാം. 

പ്രവേശന സമയത്ത് നൽകേണ്ട രേഖകൾ..

ക്യാൻഡിഡേറ്റ് ലോഗിൻ ചെയ്യുമ്പോൾ ലഭിക്കുന്ന രണ്ട് പേജുള്ള അലോട്ട്മെന്റ് സ്ലിപ്പ് (പ്രവേശനം ലഭിക്കുന്ന സ്കൂളിൽനിന്ന് അഡ്മിഷൻ സമയത്ത് ഇത് നൽകും, സ്വന്തമായി പ്രിൻ്റ് എടുക്കേണ്ട ആവശ്യമില്ല. ), SSLC മാർക്ക് ലിസ്റ്റിൻ്റെ കോപ്പി, TC, സ്വഭാവ സർട്ടിഫിക്കറ്റ്,  പ്രത്യേക ബോണസ് പോയിൻ്റുകൾ ലഭിച്ചിട്ടുണ്ടെങ്കിൽ അവയുടെ രേഖകൾ എന്നിവ പ്രവേശന സമയത്ത് ഹാജരാക്കണം. അടക്കേണ്ട ഫീസിനെ സംബന്ധിച്ച വിവരം അലോട്ട്മെന്റ് സ്ലിപ്പിൽ ലഭ്യമാണ്. 

താത്കാലിക പ്രവേശനവും, സ്ഥിര പ്രവേശനവും

ഏകജാലക അപേക്ഷയിൽ നൽകിയ ഒന്നാം ഓപ്‌ഷൻ തന്നെ അലോട്ട്മെന്റിൽ ലഭിച്ചെങ്കിൽ ഫീസടച്ച് സ്ഥിര പ്രവേശനം നേടണം.  ഒന്നാം ഓപ്‌ഷൻ ലഭിക്കാത്തവർക്ക് മറ്റ് ഓപ്‌ഷനുകൾ ലഭിച്ചിട്ടുണ്ടെങ്കിൽ ഇപ്പോൾ താത്കാലിക പ്രവേശനം നേടിക്കൊണ്ട് അടുത്ത അലോട്ട്മെന്റിൽ ഉയർന്ന ഓപ്‌ഷൻ ലഭിക്കുമോ എന്ന് കാത്തിരിക്കാം. ഒന്നാം ഓപ്‌ഷൻ ലഭിക്കാത്തവർക്ക് വേണമെങ്കിൽ ഉയർന്ന ഓപ്‌ഷനുകൾ റദ്ദ് ചെയ്ത് ഇപ്പോൾ ലഭിച്ച ഓപ്‌ഷനിൽ സ്ഥിര പ്രവേശനവും നേടാം. താത്കാലിക പ്രവേശനം നേടുന്നവര്‍ക്ക് ആവശ്യമെങ്കില്‍ തെരഞ്ഞെടുത്ത ഏതാനും ഉയര്‍ന്ന ഓപ്ഷനുകള്‍ മാത്രമായി റദ്ദാക്കുകയും ചെയ്യാം. താത്കാലിക പ്രവേശനം നേടുമ്പോൾ ഫീസ് അടക്കേണ്ടതില്ല. പക്ഷേ, സർട്ടിഫിക്കറ്റുകൾ സ്‌കൂളിൽ നൽകണം. 

പ്രത്യേകം ശ്രദ്ധിക്കുക :

ഏതെങ്കിലും സ്കൂളിൽ മാനേജ്മെൻ്റ് ക്വോട്ടായിലോ കമ്മൂണിറ്റി ക്വോട്ടായിലോ പ്രവേശനം ലഭിക്കുമെന്ന് നിങ്ങൾക്ക് ഉറപ്പുണ്ടെങ്കിൽപോലും, നിർബന്ധമായും ഇപ്പോഴുള്ള അലോട്ട്മെൻ്റിൽ താത്ക്കാലിക പ്രവേശനം നേടണം. 

അലോട്ട്‌മെന്റ് ലഭിച്ചിട്ടും പ്രവേശനം നേടാതിരിക്കുന്ന വിദ്യാര്‍ത്ഥികളെ തുടര്‍ന്നുളള അലോട്ട്‌മെന്റുകളില്‍ പരിഗണിക്കില്ല. 

ആദ്യ അലോട്ട്മെന്റിൽ പ്രവേശനം ലഭിക്കാത്തവർ..

ഏകജാലക പ്രവേശന പ്രക്രിയയിൽ ആദ്യ ഘട്ടത്തിൽ രണ്ട് അലോട്ട്മെന്റ് ഉണ്ട്. ഇപ്പോൾ അലോട്ട്മെന്റ് ലഭിക്കാത്തവർ രണ്ടാം അലോട്ട്മെന്റ് പ്രസിദ്ധീകരിക്കുന്നതിനായി കാത്തിരിക്കുക.

പൂഞ്ഞാർ ടൗൺ വാർഡ് കണ്ടെയിൻമെൻ്റ് സോണായി തുടരുന്നു..

ഇന്ന് (12/09/2020) പൂഞ്ഞാർ ടൗണിലെ മെഡിക്കൽ സ്‌റ്റോർ സ്റ്റാഫിന് കോവിഡ് സ്ഥിരീകരിച്ചെങ്കിലും സമ്പർക്ക രോഗവ്യാപന സാധ്യത വളരെ കുറവാണെന്നാണ് കരുതപ്പെടുന്നത്. സെപ്റ്റംബർ 5-ന്, പൂഞ്ഞാർ ടൗൺ ഭാഗം കണ്ടെയിൻമെൻ്റ് സോൺ ആയതുമുതൽ സ്റ്റാഫ് അവധിയിൽ ആയിരുന്നു. ഇന്ന് കോവിഡ് സ്ഥിരീകരിച്ച ഈ സ്റ്റാഫ് കഴിഞ്ഞ ഏഴു ദിവസവും കടയിൽ വന്നിട്ടില്ല എന്നതാണ്  സമ്പർക്ക രോഗവ്യാപന സാധ്യത കുറവാണെന്ന് കരുതപ്പെടാൻ കാരണം.

അതേസമയം, ടൗൺ വാർഡ് കണ്ടെയിൻമെൻ്റ് സോണായി തുടരുകയാണ്. പ്രദേശത്ത് കൂടുതൽ രോഗവ്യാപനം ഉണ്ടായില്ലെങ്കിൽ അടുത്ത ആഴ്ച്ചയോടെ കണ്ടെയിൻമെൻ്റ് സോണിൽനിന്ന് ഒഴിവാക്കിയേക്കും.

കണ്ടെയിൻമെൻ്റ് സോണുകളിൽ ജില്ലാ കളക്ടർ അനുവദിക്കുന്ന ഇളവുകൾ നാളെ മുതൽ പൂഞ്ഞാർ ടൗൺ വാർഡിൽ..

പൂഞ്ഞാർ ടൗൺ ഒന്നാം വാർഡിൽ നാളെ മുതലുള്ള (സെപ്റ്റംബർ 9, ബുധൻ) ഇളവുകൾ : കണ്ടെയിൻമെൻ്റ് സോണുകളിൽ ജില്ലാ കളക്ടർ അനുവദിക്കുന്ന ഇളവുകൾ നാളെ മുതൽ പൂഞ്ഞാർ ടൗൺ വാർഡിൽ ഉണ്ടായിരിക്കും.  

അവശ്യവസ്തുക്കൾ വിൽക്കുന്ന കടകൾക്ക് (പലചരക്ക്, ബേക്കറി, പച്ചക്കറി, കോൾഡ് സ്റ്റോറേജ്,..) രാവിലെ 7 മുതൽ ഉച്ചകഴിഞ്ഞ് 2 വരെ പ്രവർത്തിക്കാം. ഹോട്ടലുകളിൽ പാഴ്സൽ സർവ്വീസ് മാത്രം അനുവദിക്കും. ബാങ്ക് ഉൾപ്പെടെയുള്ള എല്ലാ സ്ഥാപനങ്ങളും ഉച്ചകഴിഞ്ഞ് 2-ന് അടക്കും. 

എന്നാൽ, ഇളവുകൾ ഉണ്ടെങ്കിലും, കണ്ടെയിൽമെൻ്റ് സോണിൽ താമസിക്കുന്നവർ ആ ഭാഗത്തെ വോളണ്ടിയർമാരെ വിവരമറിയിച്ച്, അവർ മുഖേന മാത്രം, പണം നൽകി അവശ്യ സാധനങ്ങൾ വാങ്ങിക്കണമെന്നും കണ്ടെയ്ൻമെൻ്റ് സോണിൻ്റെ കാലാവധി അവസാനിച്ചതായി ജില്ലാ കലക്ടർ പ്രഖ്യാപിക്കുന്നതു വരെ എല്ലാവരും അവരുടെ വീടുകളിൽ കഴിയേണ്ടതാണെന്നും വാർഡുമെമ്പറും പഞ്ചായത്ത് വൈസ് പ്രസിഡൻ്റുമായ ടെസ്സി ബിജു അറിയിച്ചു. ആശുപത്രി ആവശ്യങ്ങൾക്കല്ലാതെ പുറത്തിറങ്ങി നടക്കുകയോ മറ്റുള്ളവരുമായി സമ്പർക്കത്തിൽ ഏർപ്പെടുകയോ ചെയ്യാൻ പാടില്ല. 

ഒന്നാം വാർഡിലുള്ള ആർക്കെങ്കിലും അടിയന്തര സഹായം ആവശ്യമായി വന്നാൽ ചുവടെയുള്ള നമ്പരുകളിൽ ബന്ധപ്പെടേണ്ടതാണ്.

9539093647

9656647851

8075499895

9497821900 

ഇന്ന് പൂഞ്ഞാർ ടൗണിൽ അണുനശീകരണം നടത്തിയിരുന്നു. അതേ സമയം, പഞ്ചായത്തിൻ്റെ പല ഭാഗങ്ങളിലും കോവിഡ് പോസിറ്റീവ് സ്ഥിരീകരിക്കുന്നതിനാൽ ജനങ്ങൾ വളരെ ജാഗ്രത പുലർത്തണമെന്നും അധികൃതർ അറിയിച്ചു.

പൂഞ്ഞാർ PHC-യിൽ അടുത്ത ആൻ്റിജൻ ടെസ്റ്റിനായി ബുക്ക് ചെയ്യാം..

പൂഞ്ഞാർ തെക്കേക്കരയിൽ ആദ്യം ബുക്ക്‌ ചെയ്ത 100 പേർക്ക് ഇന്ന് ആന്റിജൻ പരിശോധന നടക്കുന്നു. അടുത്ത ടെസ്റ്റിനുള്ള ബുക്കിംഗ് തുടങ്ങി. അതാത് വാർഡിലെ ആശ വർക്കർമാരെ ഫോണിൽ വിളിച്ച്, പേരുനൽകി ബുക്ക്‌ ചെയ്യുക.

പഞ്ചായത്തിലെ 14 വാർഡുകളിലെയും ആശാവർക്കർമാരുടെ ഫോൺ നമ്പരുകൾ ചുവടെ നൽകുന്നു. 

1. മായാ ശശി - 9656647851

2. ഓമന ചന്ദ്രൻ - 90488 17610,

സരിത - 9747763798

3. കൊച്ചുത്രേസ്യ - 9497097682

4. ദീപ ജോണി - 9446955629

5. മിനി ബാബു - 9605107482

6. റ്റോണിയ - 7034052630

7. ആശ - 6238123887

8. ബിന്ദു - 9544332841

9. സാലി - 9388575068

10. ബീന - 9747765538

11. രാധ - 9744642008

12. ശകുന്തള - 9562188303

13. ലാലി - 9745390432

14. മഞ്ചു - 7559072384

കണ്ടെയ്ൻമെൻ്റ് സോൺ - പൂഞ്ഞാർ ടൗണിലെ ബസ് സ്റ്റോപ്പ് ക്രമീകരണം..

കണ്ടെയിൻമെൻ്റ് സോണിൽ ആയതിനാൽ പൂഞ്ഞാർ ബസ് സ്റ്റാൻഡ് അടച്ചിരിക്കുകയാണ്. ഈരാറ്റുപേട്ടയിൽനിന്ന് വരുമ്പോൾ പൂഞ്ഞാർ സെൻ്റ് മേരീസ് ഇടവക പള്ളിയുടെ ഭാഗത്ത് ബസ്സുകൾ നിർത്തും. പെരിങ്ങുളം, അടിവാരം ബസുകൾക്ക് പിന്നെ സ്റ്റോപ്പുള്ളത് ജിജോ ഹോസ്പിറ്റലിന്റെ മുൻപിലാണ്. കുന്നോന്നി, കൈപ്പള്ളി, പാതാമ്പുഴ ഭാഗങ്ങളിലേക്കുള്ള ബസുകൾക്ക് പൂഞ്ഞാർ പള്ളിവാതിൽ കഴിഞ്ഞാൽ ഈസ്റ്റ്‌ ബാങ്ക് ജംഗ്ഷനിൽ മാത്രമേ സ്റ്റോപ്പ് അനുവദിച്ചിട്ടുള്ളൂ. തിരിച്ചു പോകുമ്പോളും ഇതേ രീതിയിൽതന്നെയാണ് സ്റ്റോപ്പുകൾ ക്രമീകരിച്ചിരിക്കുന്നത്. ഒന്നാം വാർഡിലൂടെ പ്രധാന റോഡ് കടന്നു പോകുന്നത് പൂഞ്ഞാർ പള്ളിവാതിൽ മുതൽ പൂഞ്ഞാർ ടൗണിലെ പാലം വരെയാണ്.

ആൻ്റിജൻ ടെസ്റ്റിനായി ബുക്ക് ചെയ്യാം..

നാളെ (സെപ്റ്റംബർ 8) പൂഞ്ഞാർ തെക്കേക്കര PHC -യിൽ നടക്കുന്ന ആന്റിജൻ ടെസ്റ്റിൽ, സമ്പർക്ക സാധ്യത സംശയിക്കുന്ന ആർക്കെങ്കിലും പങ്കെടുക്കാൻ താല്പര്യം ഉണ്ടെങ്കിൽ 9656647851 എന്ന നമ്പറിൽ വിളിച്ച്‌ ബുക്ക്‌ ചെയ്യാവുന്നതാണ്‌.

പൂഞ്ഞാർ തെക്കേക്കര പഞ്ചായത്ത് വൈസ് പ്രസിഡൻ്റും ഒന്നാം വാർഡ് മെമ്പറുമായ ടെസ്സി ബിജു നൽകുന്ന അറിയിപ്പ് ശ്രദ്ധിക്കുക..

പ്രിയപ്പെട്ടവരെ, 

പൂഞ്ഞാർ ടൗൺ വാർഡിനെ  ജില്ലാ കലക്ടർ കണ്ടെയ്ൻമെൻ്റ് സോൺ ആയി പ്രഖ്യാപിച്ചിരിക്കുകയാണ്. ചൊവ്വാഴ്ച വരെ പൂഞ്ഞാർ ടൗൺ പൂർണ്ണമായും അടച്ചിടുന്നതാണ്. ബുധനാഴ്ച മുതൽ ജില്ലാ കലക്ടർ നൽകിയിരിക്കുന്ന ഇളവുകൾ പ്രകാരം രാവിലെ 7 മണി മുതൽ 2 മണി വരെ അവശ്യ സർവ്വീസുകൾ അനുവദിക്കുന്നതാണ്. അടച്ചിട്ട റോഡുകളിൽ താമസിക്കുന്നവർ ആ ഭാഗത്തെ വോളണ്ടിയർമാരെ വിവരമറിയിച്ച് അവർ മുഖേന മാത്രം, പണം നൽകി അവശ്യ സാധനങ്ങൾ വാങ്ങാവുന്നതാണ്. കണ്ടെയ്ൻമെൻ്റ് സോണിൻ്റെ കാലാവധി അവസാനിച്ചതായി ജില്ലാ കലക്ടർ പ്രഖ്യാപിക്കുന്നതു വരെ എല്ലാവരും അവരുടെ വീടുകളിൽ കഴിയേണ്ടതാണ്. ആശുപത്രി ആവശ്യങ്ങൾക്കല്ലാതെ പുറത്തിറങ്ങി നടക്കുകയോ മറ്റുള്ളവരുമായി സമ്പർക്കത്തിൽ ഏർപ്പെടുകയോ ചെയ്യാൻ പാടില്ല.

    നമ്മൾ എല്ലാവരും ഒത്തൊരുമയോടെ ശ്രമിച്ചാൽ കോവിഡ് എന്ന ഈ മഹാമാരിയെ നമ്മുടെ നാട്ടിൽ നിന്നും തുരത്തുവാൻ സാധിക്കും. ആയതിനാൽ നിങ്ങൾക്കുണ്ടാകുന്ന ബുദ്ധിമുട്ടുകളെ സദയം ക്ഷമച്ചും സഹകരിച്ചും ഈ പ്രവർത്തനങ്ങളോട് യോജിക്കണമെന്ന് വിനയപൂർവ്വം എല്ലാവരോടും ആവശ്യപ്പെടുന്നു.

      എന്ന് ടെസ്സി ബിജു 

വൈസ് പ്രസിഡൻ്റ് പൂഞ്ഞാർ തെക്കേക്കര

9539093647

കണ്ടെയിൻമെൻ്റ് സോണായ പൂഞ്ഞാർ ടൗൺ ഒന്നാം വാർഡിലെ നിയന്ത്രണങ്ങൾ ഇങ്ങനെ..

 ഞായർ, തിങ്കൾ, ചൊവ്വ ദിവസങ്ങളിൽ (സെപ്റ്റംബർ 6, 7, 8) കർശന നിയന്ത്രണം. പ്രധാന റോഡിൽ വാഹന ഗതാഗതം അനുവദിക്കുമെങ്കിലും ഇടറോഡുകൾ പൂർണ്ണമായി അടയ്ക്കും. കണ്ടെയിൻമെൻ്റ് സോണിലുള്ളവർ അനുവാദംകൂടാതെ പുറത്തിറങ്ങരുത്. 

കുന്നോന്നി, കൈപ്പള്ളി, പാതാമ്പുഴ, പെരിങ്ങുളം ഭാഗങ്ങളിലേക്ക് മെയിൽ റോഡിലൂടെ വാഹനങ്ങൾക്ക് കടന്നുപോകാം. എന്നാൽ, വെട്ടിപ്പറമ്പ്-ആനിയിളപ്പ് റോഡും, ചേരിമല റോഡും, കൂടാതെ, ചെറുവാഹനങ്ങൾക്ക് സഞ്ചരിക്കാൻ സാധിക്കുന്ന ഒന്നാം വാർഡിലെ എല്ലാ ഇടറോഡുകളും അടക്കും.

പൂഞ്ഞാർ ടൗൺ വാർഡിലെ മുഴുവൻ കടകളും മറ്റു സ്ഥാപനകളും പൂർണ്ണമായി അടച്ചിടും. മിൽക്ക് ബാറും അടച്ചതിനാൽ ടൗണിലെ പാൽ വിതരണവും ഉണ്ടാകില്ല. ഓട്ടോ-ടാക്സി സർവീസുകളും  നിർത്തിവയ്ക്കും. 

ഒന്നാം വാർഡിലുള്ള ആർക്കെങ്കിലും അടിയന്തര സഹായം ആവശ്യമായി വന്നാൽ ചുവടെയുള്ള ഫോൺ നമ്പരുകളിൽ ബന്ധപ്പെടണമെന്ന് വാർഡ് മെമ്പറും  പഞ്ചായത്ത് വൈസ് പ്രസിഡൻ്റുമായ ടെസ്സി ബിജു അറിയിച്ചു.

9539093647

9656647851

8075499895

9497821900 

ചൊവ്വാഴ്ച്ച പൂഞ്ഞാർ ടൗണിൽ ആൻ്റിജൻ ടെസ്റ്റ് നടത്തും. ബുധനാഴ്ച്ച മുതൽ, കണ്ടെയിൻമെൻ്റ് സോണുകളിൽ ജില്ലാ കളക്ടർ അനുവദിക്കുന്ന ഇളവുകളായിരിക്കും ഉണ്ടാവുക. 

(ഈ കാര്യങ്ങളിൽ പുതിയ അറിയിപ്പുകളോ കൂടുതൽ വിവരങ്ങളോ ലഭിച്ചാൽ അപ്പോൾതന്നെ ഈ പേജിൽ അപ്ഡേറ്റ് ചെയ്യുന്നതാണ്.) 

പൂഞ്ഞാർ തെക്കേക്കര പഞ്ചായത്തിൽ ആർക്കെങ്കിലും കോവിഡ് രോഗലക്ഷണങ്ങൾ (പനി, തൊണ്ടവേദന, ശ്വാസംമുട്ടൽ,..) അനുഭവപ്പെട്ടാൽ, അതാതു വാർഡിലെ ആശാവർക്കറുമായി ഫോണിൽ ബന്ധപ്പെടണമെന്ന് അധികൃതർ അറിയിച്ചു.

പഞ്ചായത്തിലെ 14 വാർഡുകളിലെയും ആശാവർക്കർമാരുടെ ഫോൺ നമ്പരുകൾ ചുവടെ നൽകുന്നു. 

1. മായാ ശശി - 9656647851

2. ഓമന ചന്ദ്രൻ - 90488 17610,

സരിത - 9747763798

3. കൊച്ചുത്രേസ്യ - 9497097682

4. ദീപ ജോണി - 9446955629

5. മിനി ബാബു - 9605107482

6. റ്റോണിയ - 7034052630

7. ആശ - 6238123887

8. ബിന്ദു - 9544332841

9. സാലി - 9388575068

10. ബീന - 9747765538

11. രാധ - 9744642008

12. ശകുന്തള - 9562188303

13. ലാലി - 9745390432

14. മഞ്ചു - 7559072384

പൂഞ്ഞാർ ടൗൺ വാർഡ് കണ്ടെയിൻമെൻ്റ് സോൺ..

പൂഞ്ഞാർ തെക്കേക്കര പഞ്ചായത്ത് ഒന്നാം വാർഡ് (ടൗൺ വാർഡ്) കണ്ടെയിൻമെൻ്റ് സോൺ ആയി പ്രഖ്യാപിച്ചുള്ള ഉത്തരവ് ഇറങ്ങി. (05/09/2020)

കോവിഡ് ആശങ്ക - മൂന്നു ദിവസത്തേക്ക് പൂഞ്ഞാർ ടൗണിൽ കർശന നിയന്ത്രണം..

നാളെ മുതൽ  (06/09/2020) മൂന്നു ദിവസത്തേക്ക് പൂഞ്ഞാർ ടൗണിൽ കർശന നിയന്ത്രണം - കടകൾ അടക്കും, ഓട്ടോ ടാക്സി സർവ്വീസ് നിർത്തും. - വിശദ വിവരങ്ങൾ..

പൂഞ്ഞാർ ടൗണിലെ പച്ചക്കറി വ്യാപാരിക്ക് കോവിഡ് രോഗം സ്ഥിരീകരിക്കുകയും രോഗവ്യാപന സാധ്യത നിലനിൽക്കുകയും ചെയ്യുന്ന സാഹചര്യത്തിൽ മൂന്നുദിവസത്തേക്ക് പൂഞ്ഞാർ തെക്കേക്കര ഒന്നാം വാർഡിൽ (ടൗൺ വാർഡ്) കർശന നിയന്ത്രണങ്ങൾ. ഇന്ന് നടന്ന സർവ്വകക്ഷി യോഗത്തിലാണ് തീരുമാനമുണ്ടായത്.

അവശ്യ സാധനങ്ങൾ വാങ്ങേണ്ടവർക്കായി, നാളെ (സെപ്റ്റംബർ 6, ഞായർ) രാവിലെ 11 വരെ കടകൾ തുറന്ന് പ്രവർത്തിക്കും.  തുടർന്ന് 3 ദിവസത്തേക്ക് (ഞായർ, തിങ്കൾ, ചൊവ്വ) പൂഞ്ഞാർ ടൗൺ വാർഡിലെ മുഴുവൻ കടകളും മറ്റു സ്ഥാപനകളും പൂർണ്ണമായി  അടച്ചിടും. ഓട്ടോ-ടാക്സി സർവീസുകളും ഉണ്ടാകില്ല. 

പ്രദേശം കണ്ടെയിൻമെൻ്റ് സോൺ ആക്കുവാനുള്ള  റിപ്പോർട്ടും ജില്ലാഭരണകൂടത്തിന് നൽകിക്കഴിഞ്ഞു. ഉടൻ ഇതിൻ്റെ തീരുമാനമുണ്ടാകും. ശേഷം, ജില്ലാ കളക്ടറുടെ നിർദേശപ്രകാരമുള്ള ഇളവുകളായിരിക്കും ഉണ്ടാവുക. 

ടൗണിൽ അണുനശീകരണം നടത്താനും ചൊവ്വാഴ്ച്ച ആൻ്റിജൻ ടെസ്റ്റ് നടത്താനും തീരുമാനിച്ചിട്ടുണ്ട്‌.

പൂഞ്ഞാർ തെക്കേക്കര പഞ്ചായത്തിൽ ആർക്കെങ്കിലും കോവിഡ് രോഗലക്ഷണങ്ങൾ (പനി, തൊണ്ടവേദന, ശ്വാസംമുട്ടൽ,..) അനുഭവപ്പെട്ടാൽ, അതാതു വാർഡിലെ ആശാവർക്കറുമായി ഫോണിൽ ബന്ധപ്പെടണമെന്ന് അധികൃതർ അറിയിച്ചു.

പഞ്ചായത്തിലെ 14 വാർഡുകളിലെയും ആശാവർക്കർമാരുടെ ഫോൺ നമ്പരുകൾ ചുവടെ നൽകുന്നു. 

1. മായാ ശശി - 9656647851

2. ഓമന ചന്ദ്രൻ - 9048817610,

സരിത - 9747763798

3. കൊച്ചുത്രേസ്യ - 9497097682

4. ദീപ ജോണി - 9446955629

5. മിനി ബാബു - 9605107482

6. റ്റോണിയ - 7034052630

7. ആശ - 6238123887

8. ബിന്ദു - 9544332841

9. സാലി - 9388575068

10. ബീന - 9747765538

11. രാധ - 9744642008

12. ശകുന്തള - 9562188303

13. ലാലി - 9745390432

14. മഞ്ചു - 7559072384

'കേരമിത്ര - തേങ്ങാപ്പാര'യ്ക്ക് പിന്നിൽ ഒരു പൂഞ്ഞാറുകാരൻ്റെ ബുദ്ധിയുമുണ്ട്.

 'കേരമിത്ര - തേങ്ങാപ്പാര'യ്ക്ക് പിന്നിൽ ഒരു പൂഞ്ഞാറുകാരൻ്റെ ബുദ്ധിയുമുണ്ട്. പൂഞ്ഞാർ പറയൻകുഴിയിൽ ഡോ. ജോബി ബാസ്റ്റ്യൻ. ഇന്നത്തെ (ആഗസ്റ്റ് 26, ബുധൻ) മനോരമ പത്രവാർത്ത.. അഭിനന്ദനങ്ങൾ ജോബി സാർ..

ഏകജാലകം 2020 - പ്ലസ് വൺ അഡ്മിഷന് അപേക്ഷിക്കുന്നവര്‍ ശ്രദ്ധിക്കുക..

ഏകജാലകം 2020 - പ്ലസ് വൺ അഡ്മിനായി, 29/07/2020, 5:00 PM മുതൽ ഓൺലൈനായി അപേക്ഷിക്കാം. വീട്ടിലിരുന്ന് മൊബൈല്‍ ഫോണോ കംപ്യൂട്ടറോ ഉപയോഗിച്ച് വളരെ എളുപ്പത്തില്‍ ഇത്തവണ അപേക്ഷ സമര്‍പ്പിക്കാന്‍ സാധിക്കും. ഓഗസ്റ്റ് 14 വരെ സമയമുണ്ട്. വിശദവിവരങ്ങള്‍ ചുവടെ.

അപേക്ഷ സമർപ്പിക്കേണ്ട ഔദ്യോഗിക വെബ്സൈറ്റ് :

https://hscap.kerala.gov.in

അഡ്മിഷന്റെ വിശദവിവരങ്ങൾ അടങ്ങിയ പ്രോസ്പെക്റ്റസ് കാണാൻ ഈ ലിങ്ക് ഉപയോഗിക്കുക :

VIEW PROSPECTUS

ഓൺലൈനിൽ തനിയെ അപേക്ഷ സമർപ്പിക്കാവുന്ന രീതി ചിത്രങ്ങൾ സഹിതം വിശദീകരിക്കുന്ന pdf ലഭിക്കാന്‍ ഈ ലിങ്ക് സന്ദര്‍ശിക്കൂ :

How to Apply Online ?

കോവിഡ് രോഗ പശ്ചാത്തലത്തില്‍ നടക്കുന്ന പ്ലസ് വണ്‍ അഡ്മിഷനെക്കുറിച്ച് ബഹു. വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് സംസാരിക്കുന്നു..

കോട്ടയം ജില്ലയിലെ ഹയര്‍ സെക്കന്‍ഡറി സ്കൂളുകളും

അവിടെയുള്ള കോഴ്സുകളും ചുവടെ..

സ്കൂളുകളിലെ കോഴ്സുകള്‍ കൃത്യമായി മനസിലാക്കാന്‍

സബ്ജക്ട് കോംബിനേഷനും കോഡ് നമ്പരും ചുവടെ

പ്ലസ് ടു പരീക്ഷയിൽ ഉജ്ജ്വല വിജയവുമായി പൂഞ്ഞാർ സെന്റ് ആന്റണീസ്..

ഹയർ സെക്കന്ററി പരീക്ഷയിൽ പൂഞ്ഞാർ സെൻ്റ് ആന്റണീസ് ഹയർ സെക്കന്ററി സ്കൂൾ ഉജ്ജ്വല വിജയം കരസ്ഥമാക്കി. പരീക്ഷ എഴുതിയ 172 ൽ 168 കുട്ടികളും മികച്ച വിജയം നേടി. 97.7 ശതമാനം വിജയം. 23 കുട്ടികൾ എല്ലാ വിഷയങ്ങൾക്കും എ പ്ലസ് കരസ്ഥമാക്കി. ആകെയുള്ള 1200 മാർക്കിൽ 1199 ഉം നേടി വിജിൽ ജോർജ്ജ് ശ്രദ്ധേയമായ പ്രകടനം കാഴ്ച്ചവച്ചു. മികച്ച വിജയം നേടിയ കുട്ടികളെയും അവരെ പരിശീലിപ്പിച്ച അധ്യാപകരയും രക്ഷിതാക്കളയും, സ്കൂൾ മാനേജർ ഫാ. ജെയിംസ് നീണ്ടൂശ്ശേരി സി.എം.ഐ., പ്രിൻസിപ്പൽ ബെന്നി തോമസ്, ഹെഡ്മാസ്റ്റർ റ്റോം കെ.എ., പി.റ്റി.എ. പ്രസിഡൻ്റ് വർക്കി മുതിരേന്തിക്കൽ എന്നിവർ അഭിനന്ദിച്ചു.

SSLC റിസൽട്ട് - പൂഞ്ഞാർ സെന്റ് ആന്റണീസ് HSS-ന് 100% വിജയം.. 13 ഫുൾ A+..

SSLC പരീക്ഷയിൽ പൂഞ്ഞാർ സെന്റ് ആന്റണീസ് ഹയർ സെക്കന്ററി സ്കൂൾ 100% വിജയം കരസ്ഥമാക്കി. 13 കുട്ടികൾ എല്ലാ വിഷയങ്ങൾക്കും A+ കരസ്ഥമാക്കി. 4 കുട്ടികൾ 9 A+ നേടി. 8 കുട്ടികൾക്ക് 8 A+. 113 കുട്ടികളാണ് ആകെ പരീക്ഷ എഴുതിയത്.

Full A+ നേടിയവർ..
ആൻമരിയ ബിനോയി, അരുണിമ ഇ.ആർ., അതുല്യ സിബി, ബിൻസു ജോർജ്ജ്, ഡോണിയ എലിസബത്ത് ജിമ്മി, മെറിൻ സിബി, നീരജ വി.ബി., ആദർശ് സെബാൻ തോമസ് , ആകാശ് ടി.എ., അക്ഷയ് മനോജ് , അലൻ ജിമ്മി , ജോർജ് ബോബി , ശ്രീജിത്ത് പി.

9 A+ നേടിയവർ..
ആദിത്യ ഡോണി , അപർണ്ണ ആർ. നായർ , ഡെനീഷ ബേബി, മാനസ ജോർജ്
8 A+ നേടിയവർ..
ഡോണ തോമസ് , ജോസ്നാ ജോർജ് , റിയാ മാത്യു , ഡെൻ ജോയ് , ലിയാ മനോജ് , അഭിജിത്ത് റ്റി.ബി., ഡെർവിൽ സി. ബെന്നി, വിനായക് കൊടക്കൻ

SSLC Result 2020

2019-2020 അദ്ധ്യയന വര്‍ഷത്തെ SSLC പരീക്ഷാ ഫലത്തിനായി ചുവടെയുള്ള ലിങ്കുകള്‍ ഉപയോഗിക്കുക. ഗൂഗിള്‍ പ്ലേ സ്റ്റോറില്‍നിന്ന് Saphalam 2020, PRD Live എന്നീ  മൊബൈല്‍ ആപ്പുകള്‍ ഡൗണ്‍ലോഡ് ചെയ്തും റിസല്‍ട്ട് എളുപ്പത്തില്‍ അറിയാന്‍ സാധിക്കും. സ്കൂള്‍തലത്തിലുള്ള വിശദമായ റിസല്‍ട്ടിനായി സ്കൂള്‍ കോഡ് അറിയേണ്ടതുണ്ട്. കാഞ്ഞിരപ്പള്ളി - പാലാ വിദ്യാഭ്യാസ ജില്ലകളിലെ എല്ലാ സ്കൂളുകളുടെയും കോഡുകളും ചുവടെ നല്‍കിയിരിക്കുന്നു.

റിസല്‍ട്ടിനായി ചുവടെയുള്ള ലിങ്കുകളില്‍ ക്ലിക്ക് ചെയ്യുക..

 https://result.kite.kerala.gov.in

School Codes for SSLC Result
List of Schools in Kanjirappalli Ed. District
1)     A M H S S Kalaketty                32004
2)     A. K. J. M H S S Kanjirappally     32031
3)     Assumption H S Palampra        32033
4)     Baselios E M High School, Devagiri 32007
5)     C C M H S S , Karikkattoor        32037
6)     C M S H S Kanam                32056
7)     C M S H S Mundakayam                32042
8)     C M S H S Nedungadappally        32040
9)     C. Kesavan Memorial HSS, Koruthodu 32058
10)     D B H S Erumely                32026
11)     D B H S Kangazha                32006
12)     Govt. H S Adukkom                32017
13)     Govt. H S Kanjirappally        32029
14)     Govt. H S Kuzhimavu                32063
15)     Govt. H S S Nedumkunnam        32047
16)     Govt. H S S Panamattam            32065
17)     Govt. H S S Thazhathuvadakara        32010
18)     Govt. H S Vazhoor                32062
19)     Govt. V H S S Ponkunnam        32051
20)     Govt. H S S Edakunnam                32050
21)     Govt. H S S Erattupetta        32008
22)     Govt. V H S S Thidanad            32057
23)     Govt. V H S S Murikumvayal        32045
24)     Gracey Memorial H S Parathode        32049
25)     Holy Family H S Inchiany        32043
26)     Holy Family H.S. Elangoi        32069
27)     J J Murphy Memorial HSS Yendayar   32011
28)     K.J.Chacko Memorial HS. Pulickallu 32060
29)     Kareem Sahib Memorial BHS Karakkad 32068
30)     Little Flower H S Chemmalamattom   32005
31)     M G P N S S H S Thalanad        32016
32)     M T H S Kanakappalam                32027
33)     Model Residential School Etpa        32066
34)     Muslim Girls H S S Erattupetta     32003
35)     Muslim H S S Kangazha                32009
36)     N S S Girls H S Karukachal        32039
37)     N S S H S S , Karukachal        32038
38)     Petta Govt. H S, Kanjirappally     32032
39)     R V Govt. V H S S Chenappady        32034
40)     S M V H S S Poonjar                32013
41)     S R V N S S V H S S, Chirakkadavu  32052
42)     S V R V N S S H S S , Vazhoor        32053
43)     Santhome H S Kanamala                32025
44)     Sree Vidyathiraja EMHS. Ponkunnam  32067
45)     St Joseph's H S Koovappally        32028
46)     St. Dominic's BHSS Kanjirappally   32030
47)     St. Ephrem's H S Chirakkadavu        32020
48)     St. Maria Goretti's H S Chennad    32002
49)     St. Mary's H S Elamgulam        32064
50)     St. Antony's H S S Poonjar        32014
51)     St. Antony's H S Vellikulam        32018
52)     St. Augustine's H S Peringulam        32022
53)     St. George H S S Aruvithura        32001
54)     St. George's H S Koottickal        32012
55)     St. George's H S Manimala        32041
56)     St. John The Baptist's HSS, Nedumkunnam  32046
57)     St. Joseph's E M Girls H S, Kunnumbhagam 32036
58)     St. Joseph's H S for Girls, Mundakayam      32044
59)     St. Joseph's H S Kannimala              32059
60)     St. Mary's Girls H S , Kanjirappally      32035
61)     St. Mary's H S S Teekoy        32015
62)     St. Mary's H S Umikuppa        32021
63)     St. Paul's HS Valiakumaramangalam  32019
64)     St. Paul's H S Vazhoor                32054
65)     St. Teresa's Girls HS, Nedumkunnam 32048
66)     St. Thomas H S S Erumely        32024
67)     Thiruvalluvar H S Muttappally        32023

List of Schools in Palai Ed. District
1)     Alphonsa Girls H S Vakakkad     31074
2)     Amayannoor H.S                     31044
3)     C M S H S Mechal             31072
4)     C M S H S S Melukavu             31073
5)     Govt. H S for Girls Ettumanoor     31036
6)     Govt. H S S Pala             31086
7)     Govt. H S S Edakkoly             31064
8)     Govt. H S S Puthuvely             31056
9)     Govt. V H S S Ettumanoor     31047
10)     Holy Cross H S Monippally     31055
11)     Holy Cross H S S Cherpunkal     31040
12)     Holy Cross H S S Thellakom     31049
13)     K T J M H S Idamattom             31079
14)     M D C M S H S Erumapramattom     31071
15)     Mangalam EM  HSS Ettumanoor     31048
16)     N S S H S Kezhuvamkulam     31084
17)     N S S H S S Kidangoor             31038
18)     Our Lady of Lourde's HSS Uzhavoor    31058
19)     S K V Govt. H S S Neendoor     31035
20)     S V N S S H S Edanad             31063
21)     Sacred Heart GHS , Bharananganam     31076
22)     Sacred Hearts Girls H S Ramapuram    31066
23)     Shree Vidyadhiraja EMHS Ettumanoor   31089
24)     Sreekrishna V H S S , Kurichithanam  31059
25)     St Michael's H S Pravithanam     31078
26)     St. Antony's H S Mutholy     31081
27)     St. Mary's G H S S Pala     31087
28)     St. Vincent English Medium HSS Pala  31088
29)     St. Antony's H S Kadaplamattom     31061
30)     St. Antony's H S S Plassanal     31075
31)     St. Augustine's H S S Ramapuram 31065
32)     St. John Nephumsian's HSS Kozhuvanal 31083
33)     St. John's H S Kurumannu     31070
34)     St. Joseph's H S Punnathura     31042
35)     St. Joseph's E M H S Neeloor     31069
36)     St. Joseph's G H S Mutholy     31082
37)     St. Joseph's H S Kudakkachira     31062
38)     St. Joseph's H S Manathoor     31068
39)     St. Joseph's H S Vilakkumadom     31080
40)     St. Mary's H S S Bharananganam     31077
41)     St. Mary's H S S Kidangoor     31039
42)     St. Paul's Girls H S Vettimukal 31037
43)     St. Sebastian's H S Ayarkunnam     31043
44)     St. Sebastian's HSS, Kadanad     31067
45)     St. Thomas G H S Punnathura     31041
46)     St. Thomas H S Marangattupilly     31060
47)     St. Thomas H S S Pala             31085

പൂഞ്ഞാറിലെ കുരുന്നുകളുടെ പരിസ്ഥിതി-ജലസംരക്ഷണ പ്രവര്‍ത്തനങ്ങള്‍ ദേശീയ ശ്രദ്ധ നേടുന്നു..

        പൂഞ്ഞാര്‍ : മികച്ച ജലസംരക്ഷണ പ്രവര്‍ത്തനങ്ങള്‍ക്ക് കേന്ദ്രസര്‍ക്കാര്‍ നല്‍കുന്ന ദേശീയ പുരസ്കാരത്തിനായി കേരളത്തില്‍നിന്ന് നോമിനേഷന്‍ ലഭിച്ച ഏക ജലശ്രീ ക്ലബ്ബ്‍ എന്ന ബഹുമതി പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളിലെ അന്റോണിയന്‍ ജലശ്രീ ക്ലബ്ബിന് ലഭിച്ചു. കഴിഞ്ഞ മൂന്നു വര്‍ഷങ്ങളിലെ മികവാര്‍ന്ന പ്രവര്‍ത്തനങ്ങളാണ് അന്റോണിയന്‍ ക്ലബ്ബിനെ ഈ നേട്ടത്തിന് അര്‍ഹമാക്കിയത്. ‘ഉറവകള്‍ക്കായ്’ എന്നപേരില്‍ ക്ലബ്ബ് നിര്‍മ്മിച്ച ഷോര്‍ട്ട് ഫിലിം, സംസ്ഥാനത്തെ മികച്ച ജലസംരക്ഷണ ഡോക്യുമെന്ററികളില്‍ ഒന്നായും തെരഞ്ഞെടുക്കപ്പെട്ടു.
        നദീസംരക്ഷണ പ്രവര്‍ത്തനങ്ങള്‍, മീനച്ചിലാര്‍ ശുചീകരണം, പ്രളയാനന്തര സന്നദ്ധ പ്രവര്‍ത്തനങ്ങള്‍, പ്രദേശത്തു നടത്തിയ കുടിവെള്ള ശുദ്ധതാ പരിശോധന, ഓണ്‍ലൈന്‍ ബ്ലോഗ് പ്രവര്‍ത്തനം, ഹ്രസ്വചിത്രങ്ങള്‍, കുട്ടികള്‍ക്കും രക്ഷിതാക്കള്‍ക്കും പൊതു ജനങ്ങള്‍ക്കുമായി നടത്തിയ നിരവധി മത്സരങ്ങള്‍, ബോധവത്ക്കരണ പരിപാടികള്‍, മഴക്കുഴി നിര്‍മ്മാണം, സെമിനാറുകള്‍, റാലികള്‍, കൈയെഴുത്ത് മാസിക നിര്‍മ്മാണം,  ജലശ്രീ കോര്‍ണര്‍ തുടങ്ങിയവയിലൂടെ കുട്ടികളിലേക്കും മുതിര്‍ന്നവരിലേക്കും ജലസംരക്ഷണ സന്ദേശം എത്തിക്കുവാന്‍ സ്കൂളിന് കഴിഞ്ഞിരുന്നു.
        സ്കൂള്‍ മാനേജര്‍ ഫാ. ജെയിംസ് നീണ്ടൂശ്ശേരി സി.എം.ഐ., പ്രിന്‍സിപ്പല്‍ എ.ജെ. ജോസഫ്, മുന്‍ ഹെഡ്മാസ്റ്റര്‍മാരായ വില്‍സണ്‍ ഫിലിപ്പ്, ജോസ് ജോര്‍ജ്ജ്, ക്ലബ്ബ് കോ-ഓര്‍ഡിനേറ്റര്‍ ടോണി തോമസ് പുതിയാപറമ്പില്‍, അധ്യാപകരായ ഫാ. മാത്യു ഓണയാറ്റുകുഴി സി.എം.ഐ., ജോബിന്‍ കുരുവിള, റോസിലിന്‍ ജോസഫ്, മരീന അബ്രാഹം തുടങ്ങിയവരാണ് പ്രവര്‍ത്തനങ്ങള്‍ക്ക് നേതൃത്വം വഹിച്ചത്.

 

 

മികച്ച ജലസംരക്ഷണ പ്രവര്‍ത്തനങ്ങള്‍ക്ക് കേന്ദ്രസര്‍ക്കാര്‍ നല്‍കുന്ന ദേശീയ പുരസ്കാരത്തിനായി കേരളത്തില്‍നിന്ന് നോമിനേഷന്‍ ലഭിച്ച ഏക ജലശ്രീ ക്ലബ്ബ്‍ എന്ന ബഹുമതി നേടിയ പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളിലെ അന്റോണിയന്‍ ജലശ്രീ ക്ലബ്ബ് അംഗങ്ങള്‍, ക്ലബ്ബ് കോ-ഓര്‍ഡിനേറ്റര്‍ ടോണി പുതിയാപറമ്പില്‍, ജോബിന്‍ കുരുവിള, പ്രിന്‍സിപ്പല്‍ എ.ജെ. ജോസഫ്, മാനേജര്‍ ഫാ. ജെയിംസ് നീണ്ടൂശ്ശേരി സി.എം.ഐ., ജോസ് ജോര്‍ജ്ജ്, ഫാ. മാത്യു ഓണയാറ്റുകുഴി സി.എം.ഐ., മരീന അബ്രാഹം എന്നിവര്‍ക്കൊപ്പം.

പൂഞ്ഞാറിലെ കുട്ടികളുടെ ലോക്ക് ഡൗണ്‍ വീട്ടുവിശേഷ വീഡിയോകള്‍ ശ്രദ്ധേയമാകുന്നു..

      കോവിഡ് 19 അവധിക്കാലത്ത് വീട്ടിലിരുന്ന് ക്രിയാത്മക പ്രവർത്തനങ്ങളിൽ ഏർപ്പെടുന്ന പൂഞ്ഞാര്‍ സെന്റ് ആന്റണീസിലെ കുട്ടികൾ.. അവരുടെ പ്രവർത്തനങ്ങൾ വീഡിയോയിൽ പകർത്താൻ ആദ്യമായി ക്യാമറാമാന്റെ ജോലി നിർവ്വഹിക്കേണ്ടിവരുന്ന രക്ഷിതാക്കൾ.. മറ്റുചില വീടുകളിൽ തയ്യാറാകുന്ന അവതാരകരും അവരുടെ ഷൂട്ടിംഗും.. ആദ്യമായി ക്യാമറക്ക് മുന്നിലും പിന്നിലും എത്തുന്നതിന്റെ പരിഭ്രമങ്ങൾ.. ഇതെല്ലാം വാട്സാപ്പ് മെസേജായി എത്തുന്നതോടെ മണിക്കൂറുകൾ നീളുന്ന എഡിറ്റിംഗ്..
      പൂഞ്ഞാർ സെന്റ് ആന്റണീസ് ഹയർ സെക്കന്ററി സ്കൂളിലെ കുട്ടികളും രക്ഷിതാക്കളും അധ്യാപകരും കഴിഞ്ഞ കുറച്ചു മാസങ്ങളായി ആകെ തിരക്കിലാണ്.. ഈ അന്റോണിയന്‍ കുടുംബവിശേഷങ്ങളുടെ, അഞ്ചോ ആറോ മിനിട്ടുമാത്രം ദൈര്‍ഘ്യം വരുന്ന ചില വീഡിയോകള്‍ കണ്ടു നോക്കൂ.. 

വീഡിയോ - 5

      ജൂണ്‍ 1-ന് പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളിന്റെ പുതിയ പ്രിന്‍സിപ്പലായി ബെന്നി സാറും ഹെഡ്മാസ്റ്ററായി റ്റോം സാറും ചാര്‍ജെടുത്തു. കോവിഡ് ലോക്ഡൗണ്‍ മൂലം ഉത്സവമായി മാറാതിരുന്ന ഈ സ്കൂള്‍ പ്രവേശന ദിവസത്തെ ഇതുള്‍പ്പെടെയുള്ള വിശേഷങ്ങള്‍, സ്കൂളിന്റെ യൂട്യൂബ് ചാനലില്‍കൂടി അവതരിപ്പിക്കുന്നത് അഞ്ചാം ക്ലാസിലേക്ക് ഈ വര്‍ഷം പ്രവേശനം നേടിയ കൊച്ചുമിടുക്കി ദിയ തെരേസ് മനോജാണ്. കൂടാതെ സെബിന്‍ സിബിയും കുഞ്ഞനുജന്‍ നെബിന്‍ സിബിയും ചേര്‍ന്ന് അവതരിപ്പിക്കുന്ന ബ്രെയിന്‍ ബൂസ്റ്റിംഗ് പരിശീലനം, ദേവപ്രിയ രാജേഷും ജോനാ മേരി സിബിയും ചേര്‍ന്ന് അവതരിപ്പിക്കുന്ന ഡാന്‍സ് എന്നിവയും കാണാം.

വീഡിയോ - 4

      പൂഞ്ഞാര്‍ സെന്റ് ആന്റണീസിലെ കൊച്ചുകൂട്ടുകാരുടെ ലോക്ക്ഡൗണ്‍ വീട്ടുവിശേഷങ്ങള്‍ - നാലാം ഭാഗം. ആശംസകളുമായി സിനിമാ സംവിധായകന്‍ ദീപേഷ് ടി., അതിനൊപ്പം ശ്രീഹരി എസ്. നായരുടെ ഗിറ്റാര്‍, ജൂനിയ റ്റോമിന്റെ ബോട്ടില്‍ പെയിന്റിംഗ്, നന്ദന സുരേഷിന്റെ ടിക് ടോക്, കൂടാതെ മികച്ച അവതരണവുമായി അമി മരിയ ഷായും നമിത ബിജുവും..

വീഡിയോ - 3

      പൂഞ്ഞാർ സെന്റ് ആന്റണീസിലെ കുട്ടികളുടെ ലോക്ഡൗൺ വീട്ടുവിശേഷങ്ങൾ തുടരുന്നു. ആൻസ് ജോജോയുടെ മാസ്ക് നിർമാണം, മാളവിക വിനോദിൻ്റെ വയലിൻ വായന, ശിവാനി സതീശൻ്റെ ടിക് ടോക് വീഡിയോ എന്നിവയ്ക്കൊപ്പം അമൃത അനീഷിന്റെ അവതരണവും.

വീഡിയോ - 2

      ആശംസകളുമായി സിനിമാ സംവിധായകൻ ജിയോ ബേബി : റിലീസിംഗിന് തയ്യാറായിരിക്കുന്ന ടൊവീനോ ചിത്രമായ 'കിലോമീറ്റേഴ്സ് & കിലോമീറ്റേഴ്സ് ', നിരവധി ദേശീയ-അന്തർദേശീയ പുരസ്കാരങ്ങൾ കരസ്ഥമാക്കിയ 'കുഞ്ഞുദൈവം', '2 പെൺകുട്ടികൾ' തുടങ്ങിയ ചിത്രങ്ങളുടെ സംവിധായകനായ ജിയോബേബി, Antonian News യൂട്യൂബ് ചാനലിനും, കോവിഡ് അവധിക്കാലത്ത് പൂഞ്ഞാര്‍ സെന്റ് ആന്റണീസിലെ കുട്ടികള്‍ വീട്ടിലിരുന്ന് ചെയ്യുന്ന സർഗാത്മക പ്രവർത്തനങ്ങൾക്കും ആശംസകൾ അർപ്പിക്കുന്നു. കൂടാതെ, തെരേസ് ജോസഫിന്റെ ആർട്ട് വർക്ക്, സേതുലക്ഷ്മിയുടെ ടിക്-ടോക്, എറിക് മാത്യു ജെയ്സണിന്റെ 'സൂത്രവിദ്യകൾ' എന്നിവയ്‌ക്കൊപ്പം അവതാരകരായി അലിയ ജോസഫ്, ജോയൽ സിബി, ലെയ ജോർജ് എന്നിവരും എത്തുന്നു.

വീഡിയോ - 1

       പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളിലെ കുട്ടികള്‍ കോവിഡ് 19 - ലോക്ക്ഡൗണ്‍ കാലത്ത് വീട്ടിലിരുന്ന് ചെയ്ത ക്രിയാത്മക പ്രവര്‍ത്തനങ്ങള്‍, സ്കൂളിലെ അന്റോണിയന്‍ ക്ലബ്ബിന്റെ യൂ-ട്യൂബ് ചാനലിലൂടെ സംപ്രേക്ഷണം ചെയ്യുകയാണ്. കുട്ടികള്‍ തയ്യാറാക്കി നല്‍കുന്ന ഓരോ വീഡിയോകള്‍ക്കും അതിന്റേതായ പ്രാധാന്യമുണ്ട്. ചില വീഡിയോകള്‍ വിനോദത്തിനുള്ളതെങ്കില്‍ മറ്റു ചിലത് വിജ്ഞാനം പകരുന്നതാണ്. അവതാരകരും വീട്ടിലിരുന്നുതന്നെ തങ്ങളുടെ കര്‍ത്തവ്യം നിര്‍വ്വഹിക്കുന്നു. ആദ്യമായി ക്യാമറക്കു മുന്‍പിലെത്തുന്നവരാണ് എല്ലാവരുംതന്നെ. ക്യാമറാ ചലിപ്പിക്കുന്ന രക്ഷിതാക്കള്‍ക്കും ഇതൊരു പുതിയ അനുഭവമാണ്. പത്തുമിനിട്ടില്‍ താഴെയുള്ള എപ്പിസോഡുകളായി ഈ വീഡിയോകള്‍ സംപ്രേക്ഷണം ചെയ്യും.

ഓൺലൈൻ ക്ലാസ് - ട്രയൽ റൺ സമയക്രമം

    സംസ്ഥാന സിലബസിൽ, ഒന്നാം ക്ലാസ് മുതൽ +2 വരെയുള്ള കുട്ടികൾക്കായി (+1 ഒഴികെ) ഓൺലൈൻ ക്ലാസുകൾ ജൂൺ 1-ന് ആരംഭിക്കുകയാണ്. 1 മുതൽ 7 വരെ ക്ലാസുകൾക്ക് അരമണിക്കൂർ വീതവും, 8, 9 ക്ലാസുകൾക്ക് ഒരു മണിക്കൂർ വീതവും, പത്താം ക്ലാസിന് ഒന്നര മണിക്കൂറും പന്ത്രണ്ടാം ക്ലാസിന് രണ്ടു മണിക്കൂറുമായിരിക്കും എല്ലാ ദിവസവും ക്ലാസ് നടക്കുക. തിങ്കൾ മുതൽ വെള്ളിവരെ നടക്കുന്ന ഈ ക്ലാസുകളിൽ, 10, +2 ക്ലാസുകളുടെ പുന:സംപ്രേഷണം അതാത് ദിവസങ്ങളിൽ വൈകിട്ട് ഉണ്ടാകും. 1 മുതൽ 9 വരെ ക്ലാസുകളുടെ പുനഃസംപ്രേഷണം, ശനി, ഞായർ ദിവസങ്ങളിലായിരിക്കും നടക്കുക. 
   ആദ്യ ആഴ്ച്ചയിൽ ട്രയൽ റൺ ആയിരിക്കും. ഇതിൻ്റെ അടിസ്ഥാനത്തിൽ ആവശ്യമായ മാറ്റങ്ങൾ വരുത്തി,  ജൂൺ 8 മുതൽ കൃത്യമായ സംപ്രേഷണം ആരംഭിക്കും. ജൂൺ 1 മുതൽ നൽകിയ ക്ലാസുകൾ അന്ന് വീണ്ടും സംപ്രേഷണം ചെയ്യും.  

ട്രയൽ സംപ്രേഷണത്തിൻ്റെ സമയക്രമം ചുവടെ നൽകുന്നു.. (ക്ലിക്ക് ചെയ്ത് വലുതായി കാണുക)

    വിദഗ്ദ്ധർ നയിക്കുന്ന ഈ ക്ലാസുകൾ, വിക്ടേഴ്സ് ചാനലിലും വിക്ടേഴ്സിൻ്റെ ആപ്പിലും യൂട്യൂബ് ചാനലിലും വരും. ടിവിയിൽ കാണുന്നത് കൂടാതെ, ഇൻ്റർനെറ്റിൽ ഈ ക്ലാസ് എപ്പോഴും ലഭ്യമായിരിക്കും. മൊബൈൽ ഫോണിൽ ഇൻ്റർനെറ്റ് സൗകര്യമുള്ള ആർക്കും ഏതു സമയത്തും വീഡിയോ കാണാം. ഡൗൺലോഡ് ചെയ്യാനും സാധിക്കും. പകൽ ജോലിക്ക് പോകുമ്പോൾ ഫോൺ കൊണ്ടുപോകുന്ന രക്ഷിതാക്കൾ, വൈകിട്ട് വന്നശേഷം പഠനാവശ്യത്തിന് കുട്ടികൾക്ക് ഫോൺ കൈമാറിയാൽ മതി. രക്ഷിതാക്കളുടെ സാന്നിധ്യത്തിൽ ഓൺലൈൻ ക്ലാസിൽ സംബന്ധിക്കുന്നത് നല്ലതുമാണ്. പകൽ സമയം ടിവിയിൽ ക്ലാസ് കാണാൻ സാധിക്കും.

      അധ്യാപകരുമായി സംശയങ്ങൾ പങ്കിടാൻ വിവിധ മാർഗ്ഗങ്ങൾ വിദ്യാഭ്യാസ വകുപ്പ് ആലോചിക്കുന്നുണ്ട്. ഈ കാര്യത്തിൽ, ഗവൺമെൻ്റിൻ്റെയും വിദ്യാഭ്യാസ വകുപ്പിൻ്റെയും സ്കൂൾ അധികൃതരുടെയും നിർദ്ദേശങ്ങൾ വരും. എതെങ്കിലും രീതിയിൽ, എല്ലാവർക്കും ഓൺലൈൻ ക്ലാസ് ഉപകാരപ്പെടുന്ന വിധം ക്രമീകരണങ്ങൾ ഉണ്ടാകും. വീട്ടിൽ TV-യോ സ്മാർട്ട് ഫോണോ ഇല്ലാത്ത കുട്ടികൾക്കും പ്രാദേശികമായ ക്രമീകരണങ്ങളിലൂടെ അതിനുള്ള അവസരം ഒരുക്കും.

വിക്ടേഴ്സിൻ്റെ ലിങ്ക് - https://victers.kite.kerala.gov.in/

യൂട്യൂബ് ലിങ്ക് - https://www.youtube.com/user/itsvicters

         
      കൂടാതെ, ഗൂഗിൾ പ്ലേ സ്റ്റോറിൽ Victers എന്ന് സേർച്ച് ചെയ്താൽ, Victers Live Streaming ആപ്പ് ലഭിക്കും. ഡൗൺലോഡ് ചെയ്ത് ഉപയോഗിക്കാം.

ബ്രേക്ക് ദ ചെയിന്‍ രണ്ടാംഘട്ട കാമ്പയിന് തുടക്കമായി..

        കോവിഡ്-19നെ പ്രതിരോധിക്കാന്‍ ജനങ്ങള്‍ ജാഗ്രത തുടരേണ്ടതുണ്ട്. ഒരു തരത്തിലുമുള്ള കരുതലും കുറയാന്‍ പാടില്ല. ഇത് മുന്നില്‍ക്കണ്ടാണ് ജനങ്ങളില്‍ കൂടുതല്‍ അവബോധം സൃഷ്ടിക്കുന്നതിന് ബ്രേക്ക് ദ ചെയിന്‍ രണ്ടാം ഘട്ട കാമ്പയിന് രൂപം നല്‍കിയിരിക്കുന്നത്. പൊതുസ്ഥലത്ത് തുപ്പുന്നതിനെതിരെ ശക്തമായ ബോധവത്ക്കരണമുണ്ടാക്കാന്‍ 'തുപ്പല്ലേ തോറ്റുപോകും' എന്ന സന്ദേശം നല്‍കുന്നതാണ് കാമ്പയിന്‍ 

പൊതുജനങ്ങൾ കര്‍ശനമായി പാലിക്കേണ്ട 10 കാര്യങ്ങള്‍ :

1. സോപ്പ് ഉപയോഗിച്ച് കൈകള്‍ വൃത്തിയാക്കുക.

2. മാസ്‌ക് ഉപയോഗിച്ച് മുഖം മറയ്ക്കുക.

3. സാമൂഹിക അകലം പാലിക്കുക.

4. മാസ്‌ക് ഉള്‍പ്പെടെ ഉപയോഗിക്കുന്ന വസ്തുക്കള്‍ വലിച്ചെറിയരുത്.

5. പരമാവധി യാത്രകള്‍ ഒഴിവാക്കുക.

6. വയോധികരും കുട്ടികളും ഗര്‍ഭിണികളും രോഗികളും വീട് വിട്ട് പുറത്തിറങ്ങരുത്.

7. കഴുകാത്ത കൈകള്‍ കൊണ്ട് കണ്ണ്, മൂക്ക്, വായ തുടങ്ങിയ ഭാഗങ്ങള്‍ തൊടരുത്.

8. പൊതുഇടങ്ങളില്‍ തുപ്പരുത്.

9. പോഷകാഹാരം കഴിക്കുക, ധാരാളം വെള്ളം കുടിക്കുക, ആരോഗ്യം നിലനിര്‍ത്തുക.

10. ചുമയ്ക്കുമ്പോള്‍ തൂവാല ഉപയോഗിച്ച് മൂക്കും വായും അടച്ചു പിടിക്കുക.

പൂഞ്ഞാർ തെക്കേക്കര PHC-യിൽ നിന്നുള്ള അറിയിപ്പ്.. (ഡെങ്കിപ്പനി, എലിപ്പനി, മഞ്ഞപ്പിത്തം - മുന്നറിയിപ്പ്)

  വേനൽ മഴയെത്തുടർന്ന് കോട്ടയം ജില്ലയിൽ പല പ്രദേശത്തും ഡെങ്കിപ്പനി, മഞ്ഞപ്പിത്തം,  എലിപ്പനി തുടങ്ങിയ പകർച്ച വ്യാധികൾ റിപ്പോർട്ട് ചെയ്യുന്നുണ്ട്.  കോവിഡ് 19 പ്രതിരോധ പ്രവർത്തനങ്ങൾക്കിടെ ഈ രോഗങ്ങളും സ്വീകരിക്കേണ്ട  നിയന്ത്രണ മാർഗങ്ങളും നാം ശ്രദ്ധിക്കണം. രോഗം ആരംഭത്തിൽ തന്നെ അറിയുവാൻ കഴിഞ്ഞാൽ രോഗവ്യാപനം പൂർണ്ണമായും തടയുവാൻ കഴിയും. 

      ആയതിനാൽ, നമ്മുടെ പഞ്ചായത്ത്‌ പ്രദേശത്ത് പനിയോട് കൂടിയ ലക്ഷണങ്ങൾ ശ്രദ്ധയിൽ പെട്ടാൽ ഉടൻ തന്നെ പൂഞ്ഞാർ പ്രാഥമികാരോഗ്യ കേന്ദ്രത്തിൽ അറിയിക്കേണ്ടതാണ്. രോഗവ്യാപനം തടയുന്നതിനായുള്ള നടപടികൾ ആരംഭത്തിൽ തന്നെ  സ്വികരിക്കുവാൻ ഇതിലൂടെ സാധിക്കും. 

രോഗവിവരം ഈ നമ്പറുകളിൽ വിളിച്ചറിയിക്കാവുന്നതാണ്. 

സിബി - ഹെൽത്ത് ഇൻസ്‌പെക്ടർ - 9496425329

ബിജോ - ജൂനിയർ ഹെൽത്ത്‌  ഇൻസ്‌പെക്ടർ - 9447355315

വിനോദ് - ജൂനിയർ ഹെൽത്ത്‌  ഇൻസ്‌പെക്ടർ -9656007776

ജ്യോത്സന - ജൂനിയർ ഹെൽത്ത്‌  ഇൻസ്‌പെക്ടർ - 9400116050

ഡോ. ഷാജു സെബാസ്റ്റ്യൻ

മെഡിക്കൽ ഓഫീസർ

പൂഞ്ഞാർ തെക്കേക്കര പ്രാഥമിക ആരോഗ്യ കേന്ദ്രം.