Tuesday, February 18, 2014

വാര്‍ഷിക പരീക്ഷയുടെ ടൈം ടേബിള്‍ പ്രസിദ്ധീകരിച്ചു..

കേരളത്തിലെ സര്‍ക്കാര്‍ / എയ്ഡഡ്  സ്കൂളുകളില്‍ മാര്‍ച്ച് മാസം നടക്കുന്ന വാര്‍ഷിക പരീക്ഷയുടെ ടൈം ടേബിള്‍  ചുവടെ നല്‍കിയിരിക്കുന്നു..

Sunday, February 16, 2014

പച്ചക്കറികളില്‍ വിരിയുന്ന അത്ഭുത രൂപങ്ങള്‍..

            വെജിറ്റബിള്‍ കാര്‍വിംഗ് ഒരു കലയാണ്. പച്ചക്കറികളിലും പഴവര്‍ഗ്ഗങ്ങളിലും കലാകാരന്റെ കരസ്പര്‍ശമേല്‍ക്കുമ്പോള്‍ അവ മനോഹര രൂപങ്ങളായി പുനര്‍ജ്ജനിക്കുന്നു. കലാബോധമുള്ള ഏതൊരു വ്യക്തിക്കും ഈ വിദ്യ അഭ്യസിക്കാവുന്നതാണ്. കുര്യനാട് സെന്റ് ആന്‍സ് ഹയര്‍ സെക്കന്‍ഡറി സ്കൂളില്‍ നടന്ന സാന്‍ജോ ഫെസ്റ്റില്‍ (കോട്ടയം സി.എം.ഐ. സെന്റ് ജോസഫ്സ് പ്രൊവിന്‍സിനു കീഴിലുള്ള സ്കൂളുകളുടെ കലോത്സവം), വെജിറ്റബിള്‍ കാര്‍വിംഗ് മത്സരത്തില്‍ പൂഞ്ഞാര്‍ സെന്റ് ആന്റണീസിലെ കൊച്ചു കലാകാരന്മാരുള്‍പ്പെടെയുള്ള മത്സരാര്‍ഥികള്‍ തയ്യാറാക്കിയ വിവിധ ഇനങ്ങള്‍ ചുവടെ നല്‍കിയിരിക്കുന്നു. 

Monday, February 10, 2014

പൂഞ്ഞാറിന്റെ ' മാസ്റ്റര്‍ മൈന്‍ഡുകള്‍ ' കേരളത്തിന്റെ ശ്രദ്ധാകേന്ദ്രങ്ങളായി..

മലയാളമനോരമ യുവ-മാസ്റ്റര്‍ മൈന്‍ഡ് ഫൈനലിസ്റ്റുകളായ പൂഞ്ഞാര്‍ സെന്റ് ആന്റണീസിലെ രോഹിത് രാജ്, ഹരികൃഷ്ണന്‍ എസ്. കുമാര്‍, ഡെന്നീസ് മാത്യു, അലക്സ് മാനുവല്‍, അലോക് എം. ആന്റണി എന്നിവര്‍ ഗൈഡും പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂള്‍ അദ്ധ്യാപകനുമായ വില്‍സണ്‍ ജോസഫിനൊപ്പം.

Monday, February 3, 2014

ഒലയനാട് സ്കൂളില്‍ ശ്രീഗാന്ധി സ്മാരക അഖില കേരള ക്വിസ് മത്സരം ഫെബ്രുവരി ആറിന്..

            ഒലയനാട് ശ്രീ ഗാന്ധി മെമ്മോറിയല്‍ യു.പി. സ്കൂളിന്റെ വജ്ര ജൂബിലി വര്‍ഷത്തിലാരംഭിച്ച അഖില കേരള ക്വിസ് മത്സരത്തിന്റെ ആറാമതു മത്സരം 2014 ഫെബ്രുവരി 6, വ്യാഴാഴ്ച്ച നടക്കും. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് ബി. ജയചന്ദ്രന്‍ ഉദ്ഘാടനം ചെയ്യുന്ന മത്സരത്തിലെ വിജയികള്‍ക്ക് കൂട്ടിക്കല്‍ ഗ്രാമപ്പഞ്ചായത്ത് പ്രസിഡന്റ് വി.എം.ജോസഫ് സമ്മാനങ്ങള്‍ വിതരണം ചെയ്യും.
            രാവിലെ പത്തുമണിയ്ക്ക് രജിസ്ട്രേഷനോടെ മത്സരം ആരംഭിക്കും. ആദ്യ അഞ്ച് സ്ഥാനങ്ങള്‍ കരസ്ഥമാക്കുന്നവര്‍ക്ക് എവറോളിംഗ് ട്രോഫിക്കൊപ്പം യഥാക്രമം 2001, 1501, 1001, 501, 501 രൂപയുടെ ക്യാഷ് അവാര്‍ഡുകളും ലഭിക്കും.
            കേരള സിലബസിലുള്ള യു.പി. ക്ലാസില്‍നിന്ന്, ഒരു സ്കൂളില്‍ നിന്ന് രണ്ടു പേരടങ്ങുന്ന ഒരു ടീം എന്ന രീതിയില്‍ ക്വിസ് മത്സരത്തില്‍ പങ്കെടുക്കാവുന്നതാണ്. മത്സരാര്‍ഥികള്‍ ഉച്ചഭക്ഷണം കരുതേണ്ടതാണ്. 
കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ : 9447765782, 9496848213