flash news

കലോത്സവ വിജയികള്‍ക്ക് ആശംസകളുമായി സിനിമാനടന്‍ ജയറാം എത്തുന്നു : ഈരാറ്റുപേട്ട ഉപജില്ലാ കലോത്സവത്തിന്റെ സമാപന ചടങ്ങില്‍ സിനിമാ നടന്‍ ജയറാം പങ്കെടുക്കുന്നു. ഈരാറ്റുപേട്ട ഗവ. ഹയര്‍ സെക്കന്‍ഡറി സ്കൂളില്‍ നടക്കുന്ന കലോത്സവത്തിന്റെ സമാപന സമ്മേളനത്തിലാണ് വിശിഷ്ടാതിഥിയായി ജയറാം എത്തിച്ചേരുന്നത്. നവംബര്‍ 17, വെള്ളിയാഴ്ച്ച വൈകിട്ട് 6 മണിക്ക് സമ്മേളനം ആരംഭിക്കും.

Wednesday, October 23, 2013

'ശാസ്ത്രവൈജ്ഞാനിക രംഗത്ത് ഭാരതം മാതൃകയാകും..' ആന്റോ ആന്റണി എം.പി.


പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളില്‍നടക്കുന്ന ഈരാറ്റുപേട്ട ഉപജില്ലാ ശാസ്ത്രോത്സവം ശ്രീ. ആന്റോ ആന്റണി MP ഉദ്ഘാടനം ചെയ്യുന്നു
പൂഞ്ഞാര്‍ : ശാസ്ത്രവൈജ്ഞാനിക രംഗത്ത് ഇന്നത്തെ മുന്നേറ്റം തുടര്‍ന്നാല്‍ അതിവിദൂരമല്ലാത്ത ഭാവിയില്‍ ഭാരതം ലോകരാജ്യങ്ങള്‍ക്ക് മാതൃകയായി മാറുമെന്ന് ആന്റോ ആന്റണി എം.പി. അഭിപ്രായപ്പെട്ടു. വികസിതരാജ്യങ്ങളുടെ ജനസംഖ്യയില്‍ അറുപതു ശതമാനവും വാര്‍ദ്ധക്യത്തില്‍ എത്തിക്കഴിഞ്ഞുവെങ്കില്‍ ഭാരത ജനതയുടെ അറുപതുശതമാനവും യുവജനങ്ങളായതിനാല്‍ ശാസ്ത്രവൈജ്ഞാനിക നൈപുണികളുടെ മത്സരരംഗത്ത് വിജയം ഇനി നമ്മുടേതാണ്. അദ്ദേഹം കൂട്ടിച്ചേര്‍ത്തു. പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളില്‍ ഈരാറ്റുപേട്ട ഉപജില്ലാ ശാസ്ത്രോത്സവം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
             സ്കൂള്‍ മാനേജര്‍ ഫാ. ചാണ്ടി കിഴക്കയില്‍ അദ്ധ്യക്ഷത വഹിച്ച സമ്മേളനത്തില്‍ പഞ്ചായത്ത് പ്രസിഡന്റ് തോമസ് ചൂണ്ടിയാനിപ്പുറം, ബ്ലോക്ക് പഞ്ചായത്തംഗം അഡ്വ. ജോമോന്‍ ​ഐക്കര, പി.റ്റി.. പ്രസിഡന്റ് ശശിധരന്‍ വി.എസ്., പ്രോഗ്രാം കോ-ഓര്‍ഡിനേറ്റര്‍ ദേവസ്യാ ജോസഫ് എന്നിവര്‍ ആശംസകളര്‍പ്പിച്ച് സംസാരിച്ചു. പരിപാടികള്‍ക്ക് തുടക്കംകുറിച്ചുകൊണ്ട് ജനറല്‍ കണ്‍വീനര്‍ എ.ജെ.ജോസഫ് പതാക ഉയര്‍ത്തുകയും ഹെഡ്മാസ്റ്റര്‍ ഫാ.ജോര്‍ജ്ജ് വയലില്‍കളപ്പുര സമ്മേളനത്തിന് കൃതജ്ഞത അര്‍പ്പിക്കുകയും ചെയ്തു. മേളയുടെ രണ്ടാം ദിനമായ നാളെ (ഒക്ടോബര്‍ 24) സാമൂഹ്യശാസ്ത്ര-പ്രവൃത്തിപരിചയ മേളകള്‍ നടക്കും.

1 comment:

  1. True. The successful management of the recent cyclone that hit Orissa and Andhra is proof that India's scientific and technological advancement are benefiting millions of people, improving the quality of life ,and helping to save lives during natural disasters

    ReplyDelete