വീടുകളിലെ ജൈവമാലിന്യങ്ങളെ വളമായോ ബയോഗ്യാസായോ മാറ്റി ഉപയോഗിക്കുന്നതിനുള്ള കര്‍മ്മപദ്ധതിയുമായി പൂഞ്ഞാര്‍ തെക്കേക്കര ഗ്രാമപ്പഞ്ചായത്ത് രംഗത്ത്. ബയോഗ്യാസ് പ്ലാന്റ് , പൈപ്പ് കമ്പോസ്റ്റിംഗ് , മണ്ണിരക്കമ്പോസ്റ്റ് എന്നീ മൂന്നുതരം പ്ലാന്റുകള്‍ തയ്യാറാക്കാനാണ് പഞ്ചായത്ത് ധനസഹായം നല്‍കുക. സംസ്ഥാന സര്‍ക്കാരിന്റെ ശുചിത്വ മിഷനുമായി സഹകരിച്ചാണ് പഞ്ചായത്ത് ഈ പദ്ധതി നടപ്പിലാക്കുന്നത്. ഓരോ പ്ലാന്റിനും ചെലവാകുന്ന തുകയുടെ തുച്ഛമായ ഒരു വിഹിതം മാത്രമാണ് ഗുണഭോക്താക്കളില്‍നിന്ന് ഈടാക്കുന്നത്. APL-BPL വ്യത്യാസമില്ലാതെ അപേക്ഷിക്കുന്ന എല്ലാവര്‍ക്കും ഈ സഹായം ലഭിക്കുമെന്ന് അധികൃതര്‍ അറിയിച്ചു. താത്പ്പര്യമുള്ളവര്‍ ഈ മാസം 24-നു മുന്‍പായി വാര്‍ഡ് മെമ്പര്‍മാരുടെ പക്കല്‍നിന്ന് അപേക്ഷാ ഫോം വാങ്ങി പൂരിപ്പിച്ചു നല്‍കേണ്ടതാണ്. വിശദ വിവരങ്ങളും അപേക്ഷാ ഫോമും ചുവടെ നല്‍കിയിരിക്കുന്നു.
No comments:
Post a Comment