വിളംബര റാലിയുമായി പൂഞ്ഞാര്‍ സെന്റ് ആന്റണീസില്‍ പ്രവേശനോത്സവം നടന്നു ..

വാദ്യമേളങ്ങളും മുത്തുക്കുടകളും പ്ലാക്കാര്‍ഡുകളുമായി പൂഞ്ഞാര്‍ സെന്റ് ആന്റണീസിലെ പ്രവേശനോത്സവ റാലിക്കായി കുരുന്നുകള്‍ അണിനിരന്നപ്പോള്‍.

പൂഞ്ഞാര്‍ : വാദ്യമേളങ്ങളുടെ അകമ്പടിയോടെ നടന്ന വിളംബര റാലിയുമായി പൂഞ്ഞാര്‍ സെന്റ് ആന്റണീസില്‍ പ്രവേശനോത്സവം നടന്നു. മുത്തുക്കുടകളും പ്ലാക്കാര്‍ഡുകളുമായി നവാഗതരുള്‍പ്പെടെ ആയിരത്തോളം കുരുന്നുകളാണ് റാലിയില്‍ അണിനിരന്നത്. തുടര്‍ന്നുനടന്ന പൊതു സമ്മേളനം പൂഞ്ഞാര്‍ തെക്കേക്കര ഗ്രാമപഞ്ചായത്ത് പ്രസിഡന്റ് തോമസ് ചൂണ്ടിയാനിപ്പുറം ഉദ്ഘാടനം ചെയ്തു. സ്കൂള്‍ ഹെഡ്മാസ്റ്റര്‍ ഫാ.ജോര്‍ജ്ജ് വയലില്‍കളപ്പുര CMI അദ്ധ്യക്ഷത വഹിച്ച യോഗത്തില്‍ ഗ്രാമപഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ അനില്‍ കുമാര്‍ മഞ്ഞപ്ലാക്കല്‍, ക്ഷേമകാര്യ സ്റ്റാന്റിംഗ് കമ്മറ്റി ചെയര്‍ പേഴ്സണ്‍ ടാലി തോമസ്, പ്രിന്‍സിപ്പാള്‍ എ.ജെ.ജോസഫ്, പി.റ്റി.എ. പ്രസിഡന്റ് വി.എസ്.ശശിധരന്‍, സ്റ്റാഫ് സെക്രട്ടറി ദേവസ്യാ ജോസഫ് തുടങ്ങിയവര്‍ ആശംസകളര്‍പ്പിച്ച് സംസാരിച്ചു. എസ്.എസ്.എല്‍.സി. , പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് വാങ്ങിയ പന്ത്രണ്ട് കുട്ടികളെ യോഗത്തില്‍ അഭിനന്ദിച്ചു.

പൂഞ്ഞാര്‍ സെന്റ് ആന്റണീസില്‍ നടന്ന പ്രവേശനോത്സവ പൊതു സമ്മേളനം പൂഞ്ഞാര്‍ തെക്കേക്കര ഗ്രാമപഞ്ചായത്ത് പ്രസിഡന്റ് തോമസ് ചൂണ്ടിയാനിപ്പുറം ഉദ്ഘാടനം ചെയ്യുന്നു. പി.റ്റി.എ. പ്രസിഡന്റ് വി.എസ്.ശശിധരന്‍, പ്രിന്‍സിപ്പാള്‍ എ.ജെ.ജോസഫ്, ഹെഡ്മാസ്റ്റര്‍ ഫാ.ജോര്‍ജ്ജ് വയലില്‍കളപ്പുര CMI, ഗ്രാമപഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ അനില്‍ കുമാര്‍ മഞ്ഞപ്ലാക്കല്‍, ക്ഷേമകാര്യ സ്റ്റാന്റിംഗ് കമ്മറ്റി ചെയര്‍ പേഴ്സണ്‍ ടാലി തോമസ് തുടങ്ങിയവര്‍ സമീപം.

 പ്രവേശനോത്സവത്തിന്റെ , രണ്ടു മിനിട്ട് ദൈര്‍ഘ്യമുള്ള വീഡിയോ ചുവടെ നല്‍കിയിരിക്കുന്നു.