'മൂല്യബോധമുള്ള തലമുറ ഇന്നിന്റെ ആവശ്യം' - റവ. ഡോ. ജോര്‍ജ്ജ് ഇടയാടിയില്‍ CMI

പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളില്‍ നടന്ന സി.എം.ഐ. കോട്ടയം സെന്റ് ജോസഫ്സ് എഡ്യൂക്കേഷണല്‍ ഏജന്‍സിയുടെ മെറിറ്റ് അവാര്‍ഡ്ദാനച്ചടങ്ങ് കേരള ഗവണ്‍മെന്റ് ചീഫ് വിപ്പ് പി.സി.ജോര്‍ജ്ജ് ഉദ്ഘാടനം ചെയ്യുന്നു. പി.റ്റി.എ. പ്രസിഡന്റ് വി.എസ്.ശശിധരന്‍, പ്രിന്‍സിപ്പല്‍ എ.ജെ.ജോസഫ്, പ്രൊവിന്‍ഷ്യല്‍ റവ.ഡോ.ജോര്‍ജ്ജ് ഇടയാടിയില്‍ CMI, ജോയി എബ്രാഹം എം.പി., കോര്‍പ്പറേറ്റ് മാനേജര്‍ ഫാ.തോമസ് പുതുശ്ശേരി CMI, സ്കൂള്‍ മാനേജര്‍ ഡോ. ജോസ് വലിയമറ്റം CMI, പഞ്ചായത്ത് പ്രസിഡന്റ് തോമസ് ചൂണ്ടിയാനിപ്പുറം, ബ്ലോക്ക് പഞ്ചായത്ത് പ്രസിഡന്റ് സാബു പൂണ്ടിക്കുളം, മുന്‍ സ്കൂള്‍ മാനേജര്‍ ഫാ.ചാണ്ടി കിഴക്കയില്‍ CMI, ഹെഡ്മാസ്റ്റര്‍ ഫാ.ജോര്‍ജ്ജ് വയലില്‍കളപ്പുര CMI, വാര്‍ഡ് മെമ്പര്‍ അനില്‍കുമാര്‍ മഞ്ഞപ്ലാക്കല്‍ എന്നിവര്‍ സമീപം.

    പൂഞ്ഞാര്‍ : അനുനിമിഷം മാറ്റങ്ങള്‍ക്ക് വിധേയമായിക്കൊണ്ടിരിക്കുന്ന ഈ കാലത്ത് ബൗദ്ധികമായ ഉയര്‍ച്ചക്കൊപ്പം മൂല്യങ്ങളില്‍ അടിയുറച്ച ഒരു തലമുറ വളര്‍ന്നുവരേണ്ടത് ഈ കാലഘട്ടത്തിന്റെ ആവശ്യമാണെന്ന് സി.എം.ഐ. കോട്ടയം സെന്റ് ജോസഫ്സ് പ്രൊവിന്‍ഷ്യല്‍ റവ.ഡോ.ജോര്‍ജ്ജ് ഇടയാടിയില്‍ CMI പറഞ്ഞു. പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്കൂളില്‍ നടന്ന സി.എം.ഐ. കോട്ടയം സെന്റ് ജോസഫ്സ് എഡ്യൂക്കേഷണല്‍ ഏജന്‍സിയുടെ മെറിറ്റ് അവാര്‍ഡ്ദാനച്ചടങ്ങില്‍ അദ്ധ്യക്ഷതവഹിച്ച് സംസാരിക്കുകയായിരുന്നു അദ്ദേഹം.

        കേരള ഗവണ്‍മെന്റ് ചീഫ് വിപ്പ് പി.സി.ജോര്‍ജ്ജ് സമ്മേളനം ഉദ്ഘാടനം ചെയ്തു. ജോയി എബ്രാഹം എം.പി. മുഖ്യപ്രഭാഷണം നടത്തുകയും അദ്ദേഹത്തിന്റെ പ്രാദേശിക വികസന ഫണ്ടുപയോഗിച്ച് നിര്‍മ്മിച്ച സ്കൂള്‍ സംരക്ഷണ ഭിത്തി സ്കൂളിന് സമര്‍പ്പിക്കുകയും ചെയ്തു. കോര്‍പ്പറേറ്റ് മാനേജര്‍ ഫാ.തോമസ് പുതുശ്ശേരി CMI അവാര്‍ഡുകള്‍ വിതരണം ചെയ്തു.

            സ്കൂള്‍ മാനേജര്‍ ഡോ. ജോസ് വലിയമറ്റം CMI, മുന്‍ സ്കൂള്‍ മാനേജര്‍ ഫാ.ചാണ്ടി കിഴക്കയില്‍ CMI, ബ്ലോക്ക് പഞ്ചായത്ത് പ്രസിഡന്റ് സാബു പൂണ്ടിക്കുളം, പഞ്ചായത്ത് പ്രസിഡന്റ് തോമസ് ചൂണ്ടിയാനിപ്പുറം, വാര്‍ഡ് മെമ്പര്‍ അനില്‍കുമാര്‍ മഞ്ഞപ്ലാക്കല്‍, പി.റ്റി.എ. പ്രസിഡന്റ് വി.എസ്.ശശിധരന്‍, സ്കൂള്‍ പ്രിന്‍സിപ്പല്‍ എ.ജെ.ജോസഫ്, ഹെഡ്മാസ്റ്റര്‍ ഫാ.ജോര്‍ജ്ജ് വയലില്‍കളപ്പുര CMI എന്നിവര്‍ ചടങ്ങില്‍ ആശംസകളര്‍പ്പിച്ച് സംസാരിച്ചു.